பிஸினஸ் பிளான்.

பிஸினஸ் பிளான்
எப்படி... எப்படிப்பா... என்று கத்திக்கொண்டே வந்தார் மஞ்சுளா ஜவுளிக்கடை முதலாளி சாத்தப்பன்.

புதியதாகத் திறந்த வசந்தா ஜவுளி ஸ்டோரின் விற்பனையும் கூட்டமும்... சாத்தப்பனை ஆட்டிப்படைத்துக் கொண்டிருந்தன.

'இன்னும் ரெண்டே நாள்.. எனக்குக் காரணம் தெரியணும்... போங்க எல்லோரும்...' விரட்டியடித்தார் சாத்தப்பன்.

வசந்தா ஜவுளிக்கடையின் நிர்வாக அறையில்...

'சார்... நம்ம பிளான் எப்படி வேலை செய்யுது பார்த்தீங்களா? மற்ற கடைகளை விட ஒவ்வொரு சேலைக்கும் ஐம்பது ரூபாய் குறைத்துக் கொடுத்தோம்.

அந்த ஐம்பது ரூபாயை மற்ற ரெடிமேடு அயிட்டங்களில் சேர்த்து வைத்தோம்... பெண்கள் எப்பவுமே தங்களுடய செலக்ஷன்களையும் குறைந்த விலையில் எடுத்திருக்கிறேன் பார் என்று தன் திறமைகளையும் மற்ற பெண்கள்கிட்டே பேசுவாங்க...

அந்த வகையிலே நம்ம கடைக்கு கூட்டம் வருவதற்குப் பெண்களே ஒரு காரணம்..' முதலாளியிடம் சொல்லி சந்தோஷப்பட்டுக் கொண்டிருந்தார் மேலாளர் நாராயணன்.
SOURCE: KUMUDAM. NANDRI TO : KUMUDAM