நம் குழந்தைகளின் கண் நலம் குறித்து முறையான விழிப்புணர்வைப் பெற்றிருக்கிறோமா?

நம் குழந்தைகளின் கண் நலம் குறித்து முறையான விழிப்புணர்வைப் பெற்றிருக்கிறோமா?

அது ஒரு பள்ளிக்கூடம்.இரண்டாம் வகுப்பு மாணவ_மாணவிகள் ஆசிரியை கரும்பலகையில் எழுதிய பாடத்தைப் பார்த்து தங்கள் நோட்டுகளில் எழுதிக் கொண்டிருக்கிறார்கள். நான்காவது வரிசையில் அமர்ந்திருக்கும் குமரன் மட்டும் எழுதாமல் கரும்பலகையையே பார்த்துக்கொண்டு அமர்ந்திருக்கிறான்.

ஆசிரியை அவனருகே வந்து அவன பாடத்தை எழுதுமாறு அறிவுறுத்திவிட்டு மற்ற மாணவர்களைக் கவனிக்கிறார். ஆனால் குமரன் மட்டும் எழுதவேயில்ல. ஆசிரியை அவனருகே வந்து மீண்டும் சற்று தன் குரலை உயர்த்தி அவனை பாடத்தைஎழுதுமாறு சொல்கிறார்.

அவன் தலையை ஆட்டிவிட்டு எழுத முயற்சிக்கிறான் ஆனால் எழுதவில்ல.ஆசிரியைக்குச் சற்று கோபம் வருகிறது.''ஏன் எழுதாமல் இருக்கிறாய்?''மாணவன் பதில் சொல்லவில்ல.''உன்னைத்தானே கேட்கிறேன் ஏன் எழுதாமல் இருக்கிறாய்?''மாணவன் தலையைக் குனிந்தவாறு நிற்கிறான். உனக்கென்ன இவ்வளவு திமிரா நீ பாடத்தை எழுதிவிட்டுத்தான் வீட்டுக்குச் செல்ல வேண்டும் என்று அவனைக் கட்டாயப்படுத்கிறார்.

ஆசிரியை. பள்ளி வேலைநேரம் முடிந்து மற்ற மாணவ மாணவியர் அனைவரும் வீட்டிற்குக் கிளம்பிவிட்டார்கள். அவன் மட்டும் தனியே அமர்ந்திருக்கிறான். வகுப்பறையை சுற்று முற்றும் பார்க்கிறான். அவனைத்தவிர ஆசிரியை உள்பட எல்லோரும் வெளியேறி விட்டார்கள்.

அவன் மெதுவாக எழுந்து முதல் வரிசைக்குச் செல்கிறான். இப்போது கரும்பலகையைப் பார்க்கிறான். நோட்டில் பாடத்தை வேகமாக எழுகிறான்.தினசரி இந்தச் சம்பவம் தொடர்கிறது.

ஒரு நாள் ஆசிரியை சற்று ஆச்சரியத்டன் கண்காணிக்க அவருக்கு விஷயம் புரிந்தது. குமரனனின் கண்ணில் ஏதோ பிரச்சினை இருக்கலாம் என்று சந்தேகத்டன் அவனது பெற்றோரை வரவழைத்து சொன்னார்.

குமரனைப் பரிசோதித்த டாக்டர் ''குமரனைப் போல சொல்லத் தெரியாமல் அல்லது சொல்வதற்குப் பயந்துகொண்டு அல்லது இதுதான் இயல்பான பார்வை என்று நினத்து சிரமமான வாழ்க்கை வாழ்ந்து கொண்டிருக்கக்கூடிய குழந்தைகள் ஏராளம்'' என்கிறார்.

ஆம் குமரனுக்குக் கிட்டப்பார்வைக் கோளாறு. ஒரு நல்ல ஆசிரியை கிடைத்த காரணத்தால் உரிய நேரத்தில் குமரனுக்கு கண் பரிசோதனை செய்யப்பட்டு தற்போது கண்ணாடி அணிந்து வருகிறான். மிக நன்றாகப் படிக்கிறான்.

கண்ணே கண்மணியே என்று குழந்தைகளைக் கொஞ்சி மகிழும் நாம் நம் குழந்தைகளின் கண் நலம் குறித்து முறையான விழிப்புணர்வைப் பெற்றிருக்கிறோமா?

கேள்விக்கு விட தேவையான விழிப்புணர்வு இல்லை என்பதே.குழந்தைகள் தங்களுக்கு கண்ணில் குறைபாடு இருக்கிறது என்பதை அவர்களாகவே புரிந்து கொள்ளமுடியாது.

உதாரணமாக கண்ணில் குறைபாடு உள்ள குழந்தைகள் அந்த குறைபாடுகளுடனேயே தமது வேலைகளை இதுதான் இயல்பான பார்வை என்ற எண்ணத்துடன் செய்கின்றனர்.

இதனை பெற்றோர்களும் ஆசிரியர்களும் மட்டுமே கவனித்து தேவையான உதவியை குழந்தைகளுக்குச் செய்யலாம். குழந்தைகளின் கண் நலத்தில் குழந்தைகளின் பெற்றோர்களுக்கும் ஆசிரியர்களுக்கும் மிக முக்கியமான பங்கு இருக்கிறது.

மேலும் படிக்க... Read more...

அதிர்ஷ்டம் என பலர் நம்பும்(!) மாறுகண் பார்வை குறைபாட்டுக்கு சிகிச்சை என்ன?

அதிர்ஷ்டம் என பலர் நம்பும்(!) மாறுகண் பார்வை குறைபாட்டுக்கு சிகிச்சை என்ன?

மாறுகண் பார்வை அதிர்ஷ்டத்தின் அடையாளம் என்பது கிராமப் புறங்களில் பரவிக்கிடக்கும் பல்வேறு மூடநம்பிக்கைகளில் ஒன்று. அது கண்ணில் உள்ள ஒருவகை குறைபாடு என்பதையும், அதற்கான சிகிச்சையை உரிய நேரத்தில் மேற்கொள்ளாவிட்டால் அது குழந்தைகளின் எதிர்காலத்தையே இருட்டடிப்பு செய்துவிடும் என்பதையும் பெரும்பாலானவர்கள் அறிந்து வைத்திருப்பதில்லை.

அப்துல் ஐந்து வயது சிறுவன். அவன் வீட்டிற்கு அவன் தந்தையின் நண்பர் வந்திருந்தார். சற்று நேரம் அவனோடு பேசிக் கொண்டிருந்தார். நண்பர் அப்துல் இடம் ஒரு சாக்லெட் பாக்கெட்டை கொடுத்தார். அப்துல் சாக்லெட் டப்பாவை நேராகப் பார்க்காமல் தலையை சாய்த்து, ஒரு கண்ணால் மட்டுமே பார்த்தவாறு வாங்கினான்.

அதனை கவனித்த நண்பர்; அப்துலின் தந்தையிடம் அப்துலுக்கு மாறுகண் பார்வை பிரச்சினை இருக்கும்போல் தெரிகிறது. உடனே கண் மருத்துவரிடம் அழைத்துச் சென்று உரிய ஆலோசன பெறுவது நல்லது என்று அறிவுறுத்தினார்.

அதற்கு அவன் தந்தையோ அப்துலுக்கு மாறுகண் பார்வை என்பது அவன் ஆறு மாத குழந்தையாக இருக்கும்போதே தெரியும். அவன் பாட்டி இது அதிர்ஷ்டத்தின் அடையாளம் என்று சொன்னதால் அப்படியே விட்டுவிட்டோம். இது ஒன்றும் பெரிய பிரச்சினை இல்லையே! என்று சொல்ல, நண்பரோ மிகவும் வேதனயுடன் நீங்கள் செய்வது தவறு. மாறுகண்ணுக்கும் அதிர்ஷ்டத்திற்கும் எத்தகைய தொடர்பும் கிடையாது மாறுகண் உள்ள எல்லோருமே அதிர்ஷ்டசாலிகளா? கிடையாது.

உண்மையில், மாறுகண் ஒரு கண் நோய் ஆகும். குழந்தைப் பருவத்திலேயே கவனிக்காவிடில் பின்னர் பல பிரச்சினகள் வரலாம்.

குழந்தைப் பருவத்திலேயே கண் மருத்துவரின் ஆலோசனப்படி பயிற்சிகளோ அல்லது ஆபரேஷனோ மேற்கொண்டால் எதிர்காலத்தில் பிரச்சினை ஏதுமின்றி நல்ல பார்வையுடன் திகழலாம் என்று ஆலோசனை கூறினார். நண்பரின் ஆலோசனப்படி அப்துலை குழந்தைகள் கண் சிகிச்சைப் பிரிவிற்கு அழைத்து வந்தார் அவர் தந்த. முழுமையான பரிசோதனக்குப்பின் மாறுகண் சரிசெய்தல் (Squint Correction) எனப்படும் எளிமையான ஆபரேஷன் செய்யப்பட்டது. இப்போது அப்துல் பொருட்களை நேராக தெளிவாகப் பார்க்கிறான்.

ஆக, மாறுகண் பார்வை என்பது சிறு வயதிலேயே கவனிக்கப்பட வேண்டிய ஒரு குறைபாடு என்பதை நாம் சரியாக புரிந்துகொள்ள வேண்டும்.

மாறுகண் என்றால் என்ன?

பொதுவாக இரண்டு கண்களும் ஒரே நேரத்தில் ஒரே பொருளை தெளிவாகப் பார்க்கவேண்டும். அதுவே சிறப்பான பார்வை எனப்படுகிறது. நம் ஒவ்வொரு கண்ணையும் ஆறு தசை நார்கள் தாங்குகின்றன. இரண்டு கண்களுமே நேரான பார்வையப் பெறுவதற்கு வசதியாக, ஒரே இலக்கினை நோக்கிப் பார்ப்பதற்கு வசதியாக அமைந்துள்ளது.

ஒரு பொருளைப் பார்க்கும்பொழுது, பார்க்கும் பொருளிலிருந்து வரக்கூடிய ஒளிக்கதிர்கள் இரண்டு கண்களிலும் உள்ள கார்னியாவில் குவியவேண்டும். கார்னியாவில் குவிந்த ஒளிக்கதிர்கள் கண்ணின் உள்ளே பின்புறச் சுவரான விழித்திரையில் குவிந்து பிம்பம் உருவாக வேண்டும்.

அப்போதுதான் நாம் தெளிவான பார்வையப் பெறமுடியும். இரண்டு கண்களும் தாம் பார்க்கும் பொருளின் படத்தை மூளயில் உள்ள பார்வை மண்டலத்திற்குச் சற்றே வித்தியாசமான கோணங்களில் அனுப்புகின்றது. பார்வை மண்டலத்தில் இரண்டு படங்களும் இணந்து ஒரே முப்பரிமாண படமாக, பார்வை என்ற தீர்க்கமான புலனாக நமக்கு வெளிப்படுகிறது.

அதற்கு இரண்டு கண்களின் தசை நார்களும் ஒரே சீராக அமந்திருப்பதால் தெளிவான பார்வைய நாம் பெறும்படியாக நம் கண்கள் செயல்படுகின்றன.
ஒரு வேளை இரண்டு கண்களின் தசை நார்களும் ஒரே சீராக இல்லையெனில், அவற்றின் இயக்கமும் ஒரே சீராக இருக்காது.

இந்நிலையில், ஒரு கண் மட்டுமே பார்க்கும் பொருளிலிருந்து ஒளிக்கதிர்கள பெற்று விழித்திரையில் பிம்பம் பதிவாகும்படி சிறப்பாகச் செயல்படுகிறது. தசை நார்கள் சரியாக அமையாத கண், பார்க்கும் பொருளிலிருந்து ஒளிக்கதிர்கள் பெற்று விழித்திரையில் பிம்பம் பதிவாவதை சரிவர செய்வதில்லை. இந்நிலயே ஒன்றரைக்கண் பார்வை அல்லது மாறுகண் எனப்படுகிறது..
ஆங்கிலத்தில் ஸ்ட்ராபிஸ்ம்யுஸ் (Strabismus) என்கிறார்கள்.

மாறுகண் பிரச்சினைக்குக் காரணங்கள் என்ன?

பொதுவாக, இந்தப் பிரச்சினை குழந்தைகளிடமே அதிகம் காணப்படுகிறது. சிலருக்கு இளமைப் பருவத்திலும் வரலாம். மாறுகண் பிரச்சினைக்கு இதுதான் காரணம் என்று குறிப்பிட்டுச் சொல்லமுடிவதில்லை
.
- பரம்பரை மூலக்கூறியல் காரணங்கள்.
- பிரசவத்தின்போது குழந்தையின் கண்ணில் காயம் ஏதாவது ஏற்பட்டிருந்தால்.
- நம் கண்ணின் அசைவுக்குக் காரணமாக இருக்கக்கூடிய ஆறு தசை நார்களும் நமது மற்றொரு கண்ணின் ஆறு தசைநார்களோடு ஒருங்கிணந்து ஒரே நேர்கோட்டில் செயல்பட முடியாத சூழ்நிலை இந்த பிரச்சினக்கு ஒரு முக்கியக் காரணமாகிறது. சில நேரங்களில் நரம்புத்தளர்ச்சியும் ;(Nerve Palsy) இந்தப் பிரச்சினைக்குக் காரணமாகிறது.
- சில நேரங்களில் தூரப் பார்வைக் குறைபாடு போன்ற பார்வைக் குறைபாடு உடையவர்களுக்கு ஒளிக்கதிர்கள் செல்லும் பாதை உள்நோக்கி மாறும்போது மாறுகண் குறைபாடு ஏற்படலாம்.
- கண் புரை போன்ற குறைபாடுகள் இருந்தாலும் மாறுகண் குறைபாடு ஏற்படலாம்.
- வேறு உடல் நலக்குறை காரணமாகக்கூட மாறுகண் குறைபாடு ஏற்படலாம்.

எனவே உங்கள் குழந்தைக்கு மாறுகண் குறைபாடு இருக்குமேயானால் முழுமையான கண் பரிசோதனை அவசியம் என்பதை புரிந்துகொள்ளுங்கள்.

பைனாகுலர் (Binocular Vision) பார்வை என்றால் என்ன?
பொதுவாக, இரண்டு கண்களும் ஒருங்கிணைந்து நல்ல பார்வைத் திறனுடன் இருக்கும்பட்சத்தில், நாம் ஒரு பொருளை பார்க்கும்பொழுது, நாம் பார்க்கும் பொருளிலிருந்து வரக்கூடிய ஒளிக்கதிர்கள் இரண்டு கண்களின் விழித்திரையிலும் குவிந்து பிம்பம் உருவாகிறது.

ஆக இரண்டு கண்களும் தாம் பார்க்கும் பொருளின் படத்தை மூளையில் உள்ள பார்வை மண்டலத்திற்கு சற்றே வித்தியாசமான கோணங்களில் அனுப்புகின்றது. பார்வை மண்டலத்தில் இரண்டு படங்களும் இணந்து ஒரே முப்பரிமாண படமாக தீர்க்கமான புலனாக நமக்கு வெளிப்படுகிறது. இதனையே சிறப்பான பார்வை அல்லது பைனாகுலர் பார்வை என்கிறோம்.

மாறுகண் குறைபாட்டினால் வரக்கூடிய பிரச்சினைகள் யாவை?
இரண்டு கண்களும் ஒருங்கிணந்து செயல்படாதபொழுது ஒரு பொருளைப் பார்க்கும்பொழுது இரண்டு கண்களும் இரு வேறு பொருள்களைப் பார்தது அவற்றிலிருந்து வரக்கூடிய ஒளிக்கதிர்கள் விழித்திரையில் குவிந்து மூளையில் உள்ள பார்வை மண்டலத்திற்கு செய்திகளை அனுப்புகிறது. அங்கே இரண்டு விதமான பிம்பங்களின் பிரதிகள் தெரிவதால் குழப்பம் ஏற்படுகிறது. இக்குறைபாடுள்ள குழந்தைகளுக்கு ஒருங்கிணந்து செயல்படாத குறைபாடுடைய கண்ணிலிருந்து பெறப்பட்ட பிம்பம் தவிர்க்கப்பட்டு சரியாக செயல்படக்கூடிய கண்ணிலிருந்து வரக்கூடிய பிம்பத்தை மட்டுமே பார்வை மண்டலம் பெற்றுக்கொண்டு செயல்படுககிறது.

எனவே இக்குறைபாடுடய குழந்தை தீர்க்கமான பார்வை எனும் புலனை பெற இயலாமல் போகிறது. இந்நிலையில், குறைபாடுடைய கண்ணை குழந்தைகள் பயன்படுத்துவதைத் தவிர்த்துவிடுகிறார்கள். எனவே அந்த கண் சிறப்பாக செயல்பட முடியாமல் நாளடைவில் சோம்பேறியாகிறது. இதனை ஆம்பிளியோப்பியா என்கிறோம்.

ஓரளவு வளர்ச்சியடைந்தவர்கள் இரண்டு கண்களிலிருந்தும் பெறப்படுகின்ற பிம்பத்தை தவிர்க்கமுடியாமல் பொருட்கள் இரண்டிரண்டாக தெரியும் அனுபவத்தைப் பெறுகிறார்கள். இதுவே இரட்டைப் பார்வை அல்ல ஆங்கிலத்தில் Double Vision எனப்படுகிறது.

மாறுகண் குறைபாட்டின் அறிகுறிகள் எவை?
குழந்தைப் பருவத்தில் பெற்றோர்களே இரண்டு கண்களும் இணநது; செயல்படாமல் வித்தியாசமான கோணத்தில் பார்ப்பதை கவனிக்க முடியும். இதில் முக்கியமாகக் கவனிக்கப்பட வேண்டியது என்னவென்றால், பிறந்த குழந்தைகளின் கண்கள் எப்போதாவதான் ஒருங்கிணந்து ஒரே கோணத்தில் செயல்படாமல் இருக்கும்.

எனவே சில நேரங்களில் குழந்தைக்கு மாறுகண் இருப்பதுபோல தெரியும். ஆனால் மூன்று முதல் நான்கு வாரங்களுக்கு பின்னர், முழுமையாக தீர்க்கமான பார்வையைப் பெறும் வண்ணம் இரண்டு கண்களும் ஒரே கோணத்தில் இணந்து செயல்படும்.

ஒரு வேளை அவ்வாறு இணந்து செயல்படாமல் இருந்தால் அந்தக் குழந்தக்கு, ஒரு கண் மருத்துவரின் முழுமையான ஆலோசனை தேவை என்பதை உணர்ந்து செயல்பட வேண்டும்.

இளைஞர்கள் இரட்டைப் பார்வைக் குறைபாடுகளோ அல்லது இரண்டு கண்களும் ஒரே கோணத்தில் செயல்படாமல் சிரமப்படுவதை அறிகுறியாக உணரமுடியும்.

மாறுகண் நோய் எவ்வாறு கண்டுபிடிக்கப்படுகிறது?
மாறுகண் குறைபாட்டின ஒரு கண் மருத்துவரே குறிப்பிட்டு கண்டறிய முடியும். கண் மருத்துவர் சில குறிப்பிட்ட பரிசோதனகளை செய்து மாறுகண் குறைபாட்டினை உறுதி செய்கிறார்.

முதலில் மாறுகண் குறைபாட்டிற்குப் பார்வைத்திறன் (Refractive Error) காரணமாக இருக்கிறதா என்பதை அறிய பார்வைத்திறன் குறைபாட்டை அறியும் பரிசோதனை செய்யப்படுகிறது. சிலருக்குப் பார்வைக் குறைபாட்டின் காரணமாக, மாறுகண் பிரச்சினை வரலாம்.

எனவே அதற்கு முதலில் சிகிச்சையளிக்கப்படுகிறது. சில வகை மாறுகண் பிரச்சினைக்குப் பார்வைக் குறைபாட்டை சரிசெய்தாலே போதுமானதாக அமைகிறது.

மாறுகண் குறைபாடு காரணமாக ஆம்பிளியோப்ரியா எனப்படும் சோம்பேறிக் கண் பிரச்சினை இருக்கிறதா என்பதைக் கண்டறிந்து அதற்கு முதலில் சிகிச்சையளிக்கப்படுகிறது அதன்பின்னரே ஆபரேஷன் தேவைப்படுமேயானால் ஆபரேஷன் செய்யப்படுகிறது. பொதுவாக, குழந்தைகளப் பொருத்தமட்டில் பெற்றோர்களுக்குச் சிகிச்சையின் முக்கியத்துவம் தீவிரமாக எடுத்துரைக்கப்படுகிறது. ஏனெனில் பெற்றோர், குழந்தை அனைவருடய ஒத்துழைப்பே சிசிச்சையின் வெற்றி விகிதத்தை நிர்ணயிக்கிறது.

மாறுகண் பிரச்சினைக்கான ஆபரேஷன் ஒரு கண்ணிலோ அல்லது இரண்டு கண்களிலுமோ தேவைப்படுமானால் செய்யப்படுகிறது. இந்த சிகிச்சையின்போது இரு கண்களும் ஒருங்கிணந்து செயல்படுவதை தடுக்கும் தசையானது ஆபரேஷனின்போது வலுவடைவதோ அல்லது வலுக் குறைவதோ, தசை நார்கள் சமமாகச் செயல்படுவதற்கேற்ப அமைக்கப்படுகிறது. சிலருக்கு இரட்டைப் பார்வை இருக்கும்பட்சத்தில் முப்பட்டக (Prism) கண்ணாடி வழங்கப்படுகிறது.

மேலும், இக்குறைபாட்டிற்கான காரணத்தை அறியவும் முயற்சி செய்து எந்த அளவிற்கு குறைபாடுடைய கண் நல்ல கண்ணோடு இணைந்து செயல்பட முடியாமல் மாறுபடுகிறது என்பதனை கண்டறிகிறார். சிலருக்கு நாசித்துவாரங்களின் அமைப்பு மாறுகண் உள்ள போன்ற பொய்த் தோற்றத்தை உருவாக்கலாம். ஒரு கண் மருத்துவர் மட்டுமே மாறுகண் போன்ற பொய்த் தோற்றத்திற்கும் False Squint) உண்மையாகவே பாதிக்கப்பட்ட மாறுகண் True Squint) பிரச்சினக்கும் உள்ள வித்தியாசத்தை கண்டறிய முடியும்.

மாறுகண் பிரச்சினைக்குச் எப்போது சிகிச்சை தேவை?
- குழந்தைகளைப் பொருத்தமட்டில் மாறுகண் பிரச்சினக்கும் அது சார்ந்த ஆம்பிளியோப்பியா பிரச்சினக்கும் எவ்வளவு விரைவாக சிகிச்சையளிக்கப்படுகிறதோ அதுவே மிகச் சிறந்ததாகும்.

- பொதுவாக ஆம்பிளியோப்பியா மற்றும் மாறுகண் பிரச்சினைக்கான சிகிச்சை, குழந்தைப் பருவத்திலேயே வழங்கப்படும் பட்சத்தில் மட்டுமே பார்வையைப் பாதுகாப்பதற்கான வாய்ப்பு அதிகரிக்கிறது.

- நினவிருக்கட்டும். மாறுகண் நாளடைவில் குழந்தை வளரும்போது சரியாகிவிடும் என்பது தவறு.
- சிகிச்சையளிப்பதில் தாமதம் ஏற்பட்டால், பார்வையை மீட்கவும் இரண்டு கண்களும் மிக சீராக இணந்து செயல்படும் வாய்ப்பும் குறையலாம்.

மாறுகண் பிரச்சினக்குச் சிகிச்சையளிக்க வேண்டியதன் முக்கியத்துவம் என்ன?
- நமது அல்லது நம் குழந்தைகளின் பார்வையப் பாதுகாப்பதற்கும் அல்லது இழந்த பார்வையை மீட்டுத்தருவதற்கும் மாறு கண் பிரச்சினக்குச் சிகிச்சை அவசியம்.

- இரண்டு கண்களையும் ஒருங்கிணந்து செயல்பட வைப்பதற்கு சிகிச்சை அவசியம்.
- பைனாக்குலர் பார்வை எனப்படும் தீர்க்கமான பார்வையை மீட்டுத் தருவதற்கு சிகிச்சை அவசியம்.
சிகிச்சைக்குப் பின்னர் கண்ணாடி அணிவது அவசியமா?
அவசியமே. ஏனெனில் ஆபரேஷன் கண்ணாடி அணிவதற்கு மாற்றாக முடியாது. ஒரு வேளை குழந்தைகளுக்கு குறிப்பிடத்தக்க பார்வைக் குறை இருக்கும் பட்சத்தில் கண்ணாடி அணிவது மிகவும் அவசியமே.

சில குழந்தைகளுக்கு கண்ணாடி அணிவதால் மாறுகண் பிரச்சினை சரியாவது உண்டு. சில குழந்தைகளுக்கு கண்ணாடி அணிவதால் மட்டுமே பொருள்களைத் தெளிவாகப் பார்க்கமுடியும். இந்தத் தெளிவான பார்வை மட்டுமே ஆம்பிளியோப்பியா எனப்படும் பிரச்சினைக்குச் சிகிச்சையளிப்பதற்கும் இரண்டு கண்களும் ஒருங்கிணந்து செயல்படுவதற்கும் ஆபரேஷனுக்கு பின்னர் உதவி செய்யும். நினவிருக்கட்டும்.

மாறுகண் அதிர்ஷ்டத்தின் அடையாளம் அல்ல. அது குழந்தைகளின் எதிர்காலத்தையே இருட்டடிப்பு செய்யக்கூடிய கண் நோய். மாறு கண் குழந்தைகளுக்கு, அடிப்படைத்தேவை குழந்தைகள் கண் நல நிபுணரின் ஆலோசனை.

மேலும் படிக்க... Read more...

இவ்வளவு பெரிய அரண்மனை, சத்திரமா?''

இவ்வளவு பெரிய அரண்மனை, சத்திரமா?''

இரவு தங்குவதற்காக ராஜாவின் அரண்மனைக்கு வந்தார் ஒரு துறவி.

''இந்த சத்திரத்தில் இரவு தங்கிக் கொள்ளவா?'' என்று ராஜாவிடம் கேட்டார். ராஜாவுக்கு கோபம் பொத்துக் கொண்டு வந்தது.

''என்ன, இது சத்திரமா?'' கோபமாகக் கேட்டான் ராஜா.

''ஆமாம். இது சத்திரம்தானே!''

''எப்படி சொல்கிறீர்கள்? இவ்வளவு பெரிய அரண்மனை, சத்திரமா?''

''சரி, உனக்கு முன்னால் இந்த அரண்மனையில் இருந்தது யார்?''

''என் அப்பா!''

''அவருக்கு முன்னால்?''

''என் தாத்தா!''

''அவருக்கும் முன்னாள்?''

''அவருடைய அப்பா!''

''அப்படியென்றால் எல்லோரும் கொஞ்ச கொஞ்ச காலம் இங்கே தங்கிச் சென்றிருக்கிறார்கள். சத்திரத்தில்தானே இப்படி தங்கிச் செல்வார்கள்?'' துறவி சொன்னதன் அர்த்தம் அரசனுக்குப் புரிந்தது.

மேலும் படிக்க... Read more...

நீங்கள் நிறையப் பேசுகிறவரா? நீங்கள் அடிக்கடி குறை சொல்வீர்களா?

நீங்கள் நிறையப் பேசுகிறவரா? நீங்கள் அடிக்கடி குறை சொல்வீர்களா?

பொருளாதார நிபுணர் : இந்தியா! என்ன ஒரு முன்னேற்றம். பொருளாதாரம் என்னம்மா வளருது?

சாதாரண பொதுஜனம் :ஆமா! ஆமா! சுவர்க்கத்தை நோக்கிப் போய்க்கிட்டு இருக்கு. அதனால் கடவுள்தான் காப்பாத்தணும்.

இதுபோல், சம்பந்தமில்லாமல் எதையாவது பேசிக்கொண்டேயிருப்பது, ஒரு மனக்குறைபாடு. பேசுங்கள். நன்றாய்ப் பேசுங்கள். அது விழிப்புணர்வை அதிகப்படுத்தும். அதே நேரத்தில், சுயக்கட்டுப்பாடு இல்லாமல் வாயிலிருந்து வந்ததெல்லாம் அளந்து விட்டுக் கொண்டிருந்தால், அது உங்களை விழிப்புணர்வின்மையில் ஆழ்த்தும்.

நீங்கள் அடிக்கடி குறை சொல்வீர்களா?

அம்மா : ராஜி, பெரியவனானா என்ன ஆவே?
ராஜி : மிருகங்களுக்கு வைத்தியம் பார்ப்பேன்...
அம்மா: ஏன்?
ராஜி : ஏன்னா! மிருகங்கள்தான் டாக்டர் பற்றிக் குறை சொல்லாது.

நான்கு பேர் சொல்லும் குறைகளுக்குப் பயப்படுபவர்கள்... இந்த ஜென்மத்தில் ஜெயித்ததாக சரித்திரமில்லை.

மற்றவர்கள் குறை சொன்னால், நீங்கள் நிச்சயம் குறைந்து போக மாட்டீர்கள்.

குறை சொல்வதை மிகைப்படுத்திப் பார்க்கும் பலவீனப்பட்ட மனம், பலமானால் யாரும் உங்களைப் பாதிக்க முடியாது.

நேருக்கு நேர் அசிங்கமாய்ப் பேசினால்கூட, அழகாய் அந்தச் சூழ்நிலையைக் கையாண்டு, அதனால் எந்தப் பாதிப்பும் அடையாமல், ஆனந்தமாக இருப்பீர்கள்.

அரவிந்தன் மிகவும் நல்லவர், உண்மையப் பேசுபவர். ஆனால் கோபக்காரர்.கண்ணனோ பொய் சொல்வதில் வல்லவர். மக்களிடம் மிகவும் சாந்தமாய்ப் பேசுவார்.
இவ்விருவரையும் இந்த மாறுபட்ட குணங்களால் அவர்களை ஏற்றுக்கொள்ளாமல் ஒதுக்கித் தள்ளுவதைவிட, முதலாமவரிடம் இருக்கும் கோபத்தை விட்டுவிடுங்கள். இரண்டாமவரிடம் இருக்கும் பொய்யை விட்டுவிடுங்கள்.

முதலாம் நபரின் நல்ல குணத்தையும், இரண்டாம் நபரின் நல்ல குணத்தையும் எடுத்க்கொள்ளுங்கள். இப்படி நீங்கள் செய்யும்போது, அன்னப் பறவையாவீர்கள். அன்னப்பறவை, எவ்வளவுதான் பாலில் தண்ணீர் கலந்திருந்தாலும், பாலை மட்டும் குடிக்கும்.

இதேபோன்று உலகில் மற்றவரின் நல்ல கருத்துகளை
மட்டுமே எடுத்துக் கொள்ளுங்கள். நீங்கள் ஆனந்தப் பறவையாக மாறுவீர்கள். ஆனந்தமாய்ச் சிறகடிப்பீர்கள்.

எனக்கு சக்தி குறைபாடு. உடல் அடிக்கடி சோர்வு அடைந்துவிடுகிறது. நான் என்ன செய்ய?

நீங்கள் சுட்டிக்காட்டும் சக்திக்குறைவு நிஜமானதல்ல.
உடல் சோர்வு உங்களை விட்டு ஓடிப்போகும் அளவிற்கு, சுறுசுறுப்பு உள்ளே நுழைய அனுமதியுங்கள்.

ஏதாவதொரு வேலையைச் செய்துகொண்டே இருங்கள். ஆனந்தம் பிறக்கும். அதில் புதிய சக்தியும் தோன்றும்.

மேலும் படிக்க... Read more...

தமது விருப்பங்களைத் திணிக்கும் பெற்றோர்களால் குழந்தைகள் மரணம்!

தமது விருப்பங்களைத் திணிக்கும் பெற்றோர்களால் குழந்தைகள் மரணம்!

புதுடில்லி, பிப். 14- தங்களின் குழந்தைகள் படிப்பிலோ, விளையாட்டிலோ சாதனை படைக்க வேண்டும் என்பதற்காக பெற்றோர் வருத்துவது அதிகரித்துள்ளது.
டென்னிஸ் விளையாட்டில் உலக சாம்பியனாக தன் மகள் ஆக வேண்டும் என்ற ஆசையால் தந்தை படுத்திய கொடு-மைக்கு டில்லியைச் சேர்ந்த 14 வயதுச் சிறுவன் மாரடைப்புக்கு உள்ளாகி பலியாகி உள்ளான்.

டில்லியில் வசித்து வந்த பிஸ்வதீப் பட்டாச்சார்யா, மேற்கு வங்க மாநில அளவில் டேபிள் டென்னிஸ் சப் ஜூனியர் பிரிவில் நான்காம் இடத்தில் இருந்தான். அவனை உலக அளவில் சாம்பியனாக ஆக்க வேண்டு மென்பது அவனது தந்தையின் ஆசை. இதனால் ஓய்வே இல்லாமல் அவனை தந்தை பயிற்சியில் ஈடுபடுத்தினார்.

விளையாட்டில் சிறுதவறு நேர்ந்தாலும் பிஸ்வதீப்பை தந்தை அடித்து உதைத்தார். ஓயாத உழைப்பு மற்றும் அடி உதையால் ஏற்பட்ட மன அழுத்தம் காரணமாக பிஸ்வதீப்புக்கு மாரடைப்பு ஏற்பட்டது.

இது பற்றி அவன்தாய் கூறியதாவது: “பிஸ்வதீப்பை என் கணவர் நாள்தோறும் கொன்று வந்தார். சிறு தவறு செய்தாலும், கம்பு, பிளாஸ்டிக் குழாய், ஆகியவற்றால் அடிப்பார். அதே வலியையும் வேதனையையும் அவரும் உணர வேண்டும். அவருக்கு தண்டனை கிடைக்க வேண்டும்.” இவ்வாறு அச்சிறுவனின் தாய் கூறினார்.

இதே போல் படிப்பிலும், மற்ற விளையாட்டுகளிலும், பிற துறைகளிலும் தங்களின் சாதனை புரிய வேண்டும் என்பதற்காக அவர்களைப் பெற்றோர் தண்டிக்கும் போக்கு அதிகரித்து வந்துள்ளது.

“பள்ளியில் இருந்து திரும்பியதும் கிரிக்கெட் பயிற்சியில் ஈடுபடும்படி என் தந்தை கூறுவார். நான் பாடகனாக வரவேண்டும் என்று விரும்புகிறேன். ஆனால், என் தந்தை நான் டெண்டுல்கரைப் போல வரவேண்டும் என்று எதிர் பார்க்கிறார்” என்று டில்லியைச் சேர்ந்த ராகுல் என்ற மாணவன் கூறினார்.

குழந்தைகளின் மீது அதிக சுமையை சுமத்தி நமது விருப்பங்களை அவர்கள் மீது திணிப்பதன் மூலம் அவர்களது உடல்நலமும், மன நலமும் பாதிக்கப்படுவதாக உலக சுகாதார அமைப்பும் மற்றும் யுனிசிப் அமைப்பும் தெரிவிக்கின்றன.

மேலும் படிக்க... Read more...

உயிர் காக்கும் பழக்கம்

உயிர் காக்கும் பழக்கம்.

சுன்னத், சின்னத், சுன்னத் கல்யாணம், கத்னா என்றெல்லாம் அழைக்கப்படும் ஒரு பழக்கம் ஆண்குறியின் முன் தோலை அகற்றுவதாகும். இது யூதர்களுக்கும் முஸ்லிம்களுக்கும் சமயம் சார்ந்த ஒரு பழக்கமாக இருக்கிறது. ஆங்கிலத்தில் இதை சர்கம்சிஷன் (Circumcision) என்று சொல்கிறார்கள்.
ஆனால் யூதர்களும் முஸ்லிம்களுக்கும் மட்டும்தான் இந்த பழக்கம் இருக்கிறது என்று சொல்ல முடியாது. பயன் அல்லது அவசியம் கருதி இதை செய்துகொள்ளும் மற்ற மதத்தினரும் உண்டு.

ஆனால் இதுகாறும் சமயம் சம்பந்தப்பட்ட விஷயமாக பார்க்கப்பட்ட ஒன்றுக்கு இப்போது விஞ்ஞானத்தின் ஆதரவு கிடைத்துள்ளது. அதுவும் மனித உயிரைக் கொல்லும் எய்ட்ஸ் என்னும் நோயிலிருந்து காப்பாற்றும் ஆற்றல் கொண்ட செயலாக இந்த 'சர்கம்சிஷன்' உள்ளது கண்டுபிடிக்கப்பட்டுள்ளது.

ஹெச்.ஐ.வி. தொற்றும் வாய்ப்பை இது குறைப்பதாக ஆராய்ச்சிகளின் மூலம் கண்டறிந்துள்ளனர். சமீபத்தில் அமெரிக்காவின் டொராண்டோவில் (Toronto) நடந்த சர்வதேச எய்ட்ஸ் கலந்தாய்வுக் கூட்டத்தில் ஹெச்.ஐ.வி. தொற்றுவதிலிருந்து நம்மைத் தடுக்கும் மிகச்சிறந்த வழியாக சர்கம்சிஷன் இருப்பதாக தான் நம்புவதாக முன்னால் ஜனாதிபதி பில் கிளிண்டன் கூறினார். இதை மதரீதியானதாகப் பார்க்கக் கூடாது என்றும் அவர் உலக நாடுகளைக் கேட்டுக்கொண்டார்.

"பரிசோதனைகளுக்கு நல்ல பயன்கள் கிடைத்திருக்கும் பட்சத்தில், இந்நோயைத் தடுக்கும், மனித உயிர்களைக் காக்கும் ஆற்றல் மிகுந்த வழி காணப்பட்டுவிட்டது என்றே பொருள். நாம் அனைவரும் இங்கிருந்து போகும்போது இந்த முறைக்கு பச்சைக்கொடி காட்டியவர்களாக வெளியே செல்ல வேண்டும்" என்று அவர் கூறினார்.

"சர்கம்சிஷன் செய்து கொள்வதனால் முறையற்ற பாலியல் உற்வுகளால் விளையும் பல நோய்கள் தடுக்கப்படுகின்றன. ஆண்களுக்கு ஆண்குறியைப் பாதிக்கும் புற்று நோயும் (penile cancer), பெண்களுக்கு கழுத்துப் பகுதியில் பாதிக்கும் புற்றுநோயும் (cervical cancer) வராமல் தடுக்கப்படுகிறது. ஹெச்.ஐ.வி. தொற்றும் வாய்ப்பையும் எய்ட்ஸ் ஏற்படும் வாய்ப்பையும் இது கணிசமாக கட்டுப்படுத்துகிறது. ஆனால் இது எய்ட்ஸுக்கு எதிரான முழு பாதுகாப்புக் கேடயமல்ல" என்கிறார் இந்த சர்வதேச மாநாட்டில் கலந்து கொண்டிருக்கும் பிரபல டாக்டர் கம்பம்பட்டி ஸ்வயம் ப்ரகாஷ்.

தென்னாப்பிரிக்க மற்றும் ஃப்ரெஞ்சு நாட்டு விஞ்ஞானிகளின் சமீபத்திய ஆராய்ச்சிகளின் முடிவுகள்தான் இந்த விவாதத்தையே தொடங்கி வைத்தன என்று கூறலாம். சர்கம்சிஷன் செய்து கொண்ட ஆண்களில் 60 விழுக்காட்டுப் பேருக்கு ஹெச்.ஐ.வி. தொற்றும் அபாயம் குறைவாக இருப்பதாக அவர்கள் கண்டறிந்தார்கள்.

கென்யா, உகாண்டா ஆகிய நாடுகளிலும் இது தொடர்பான மூன்றுவிதமான ஆராய்ச்சிகள் நடந்துகொண்டிருப்பதாக உலகளாவிய ஹெச்.ஐ.வி. தடுப்புக் குழு (Global HIV Prevention Working Group) சமர்ப்பித்த அறிக்கை கூறுகிறது. சர்கம்சிஷன் செய்து கொண்டவர்களோடு சேர்ந்து வாழும் 7000 பெண்களுக்கு ஹெச்.ஐ.வி. தொற்றும் வாய்ப்பு குறைந்துள்ளதா என்று ஒரு ஆராய்ச்சி உகாண்டாவில் நடக்கிறது. இதன் முடிவுகள் அடுத்த ஆண்டு எதிர்பார்க்கப் படுகின்றன.

25-லிருந்து 50 பேர்களுக்கு ஹெச்.ஐ.வி. தொற்றுவதை சர்கம்சிஷன் தடுக்கிற்து என்று கூறுகிறார் பாலியல் மருத்துவர் ஜி.சாமரம். ஆரோக்கியமான உடலுறவே 60-லிருந்து 70 விழுக்காடு வரை இந்த நோய் பரவாமல் காப்பாற்றும் என்றும் அவர் கூறுகிறார்.

"ஒவ்வொரு உடலுறவுக்குப் பிறகும் மர்ம உறுப்புகளை சுத்தமாகக் கழுவ வேண்டும். நோய் பரப்பும் கிருமிகளிலிருந்து இது காப்பாற்றும். ஆண்குறியில் சர்கம்சிஷன் செய்துகொள்ளும்போது முன்தோல் வெட்டி எடுத்துவிடப்படுவதால், பாக்டீரியா,வைரஸ் போன்ற கிருமிகள் தொற்றுவதற்கு மிகக்குறைந்த வாய்ப்பே உள்ளது" என்றும் அவர் கூறினார்.

"சர்கம்சிஷன் இந்த நோயைக் குறைக்குமே தவிர, ஒழித்து விடும் என்ற் சொல்ல முடியாது. இதைச் செய்து கொண்டால் யாரிடம் வேண்டுமானாலும் (தகாத) உறவு வைத்துக் கொள்ளலாம் என்ற எண்ணமும் செய்து கொண்டவர்களுக்கு ஏற்படலாம். இது செக்ஸை சட்டபூர்வமாக்குவதைப் போன்றதாகிவிடும்" என்கிறார் ஆந்திரப் பிரதேசத்தில் உள்ள தவறான பாலியல் பயன்பாட்டுக்கு எதிரான குழுவுக்குத் தலைவராக இருக்கும் என்.வி.எஸ். ராம்மோகன்.

-- வெள்ளி, டெக்கன் க்ரானிக்கிள், ஆகஸ்ட் 18, 2006.
NANDRI: NAGORE RUMI.

மேலும் படிக்க... Read more...

மறைந்து போகும் இமெயில் கடிதங்கள்

மறைந்து போகும் இமெயில் கடிதங்கள்

கேள்வி: அவுட்லுக் எக்ஸ்பிரஸ்ஸில் என் மெயில்களைப் படித்தவுடன் அவை மறைந்து போகின்றன. திரும்ப கிடைக்க என்ன செய்திட வேண்டும். இவ்வாறு மறையாமல் இருக்க எப்படி செட் செய்திட வேண்டும்?

பதில் : இது என்னுடைய கம்ப்யூட்டரிலும் ஏற்பட்டது. இதில் இன்னும் என்ன அதிசயம் என்றால் ஒரு முறை சர்ச் மேற்கொள்கையில் இந்த மறைந்த அல்லது அழிக்கப் பட்டுவிட்டதாக எண்ணப்பட்ட அனைத்து மெயில்களும் காட்டப்பட்டன.

இது விநோதமாக இருந்தாலும் இதற்கான தீர்வு எளிதுதான்.

அவுட்லுக் எக்ஸ்பிரஸ் தொகுப்பில் முதலில் View/Current View செல்லவும். பின் "Show all messages" என்பதனை செலக்ட் செய்திடவும். அநேகமாக முதலில் "Hide Read Messages" என்பது தேர்ந்தெடுக்கப்பட்டிருக்கலாம். தண்டர்பேர்ட் தொகுப்பிலும் இந்த மறைக்கும் மற்றும் மறைக்காத வசதி உள்ளது.

படித்த மெயில்களை மறைப்பது ஒரு வகையில் நல்லதுதான். அப்போதுதான் நீங்கள் படிக்காத மெயில்கள் எவை என்று தெரியும்.

ஆனால் அனைத்தையும் ஒரே நேரத்தில் பார்க்க வேண்டும் என்றால் மேலே கூறிப்பிட்டுள்ள படி செட் செய்துவிட வேண்டியதுதான்.

மேலும் படிக்க... Read more...

மின்னஞ்சல் கடிதங்களுக்கான பத்து அன்புக் கட்டளைகள்.

மின்னஞ்சல் கடிதங்களுக்கான பத்து அன்புக் கட்டளைகள்.

மின்னஞ்சல் கடிதங்கள் இன்று ஒவ்வொருவர் வாழ்விலும் இன்றியமையாத தேவையாய் மாறிவிட்டன. வெளியூரில் விருந்தினர் அல்லது நண்பர்கள் வீட்டிற்குச் சென்றால் உபசரிப்பதற்காக கொஞ்சம் காபி தரட்டுமா? என்று கேட்பது போல "உங்கள் இமெயில் பார்க்கணும்னா இங்கேயே எங்க கம்ப்யூட்டர்ல செக் பண்ணிக்கிறீங்களா?என்று கேட்பது வாடிக்கையாகிவிட்டது.

அந்த அளவிற்கு அனைவருக்கும் அன்றாடம் இமெயில் பார்க்க வேண்டியது அவசியமாகிவிட்டது. கடிதங்களை பேப்பரில் எழுதி கவர் வாங்கி மூடி ஸ்டாம்ப் ஒட்டி தபால் அனுப்புவது இப்போது எவ்வளவோ குறைந்துவிட்டது. இந்த சூழ்நிலையில் நாம் அனுப்பும் இமெயில் கடிதங்கள் நம்முடைய பண்பையும் காட்டுவதாக அமைய வேண்டாமா?

பேப்பரில் எழுதும்போது எத்தனை ஒழுக்க முறைகளைக் கடைப்பிடிக்கிறோம். சரியாக வரவில்லை என்றால் எத்தனை பேப்பரைக் கிழித்து எறிந்து விட்டு பின் எழுதுகிறோம். அதே போல இமெயில் கடிதங்களை அமைப்பதிலும் எழுதுவதிலும் பல நல்ல வழிகளைக் கடைப்பிடித்தால் நல்லது.

அவற்றில் சிலவற்றை இங்கு பார்ப்போம்.

1. ஒரே இமெயில் கடிதத்தினைப் பலருக்கும் அனுப்புகையில் பெறுபவர் முகவரியில் அனைத்து முகவரிகளையும் அமைக்க வேண்டாம். தங்களுடைய இமெயில் முகவரிகளைத் தேவையின்றி அடுத்தவர்கள் அறிவதனை யாரும் விரும்ப மாட்டார்கள். எனவே பெறுபவருக்கான இடத்தில் (To:) உங்கள் முகவரியினையும் BCC என்ற இடத்தில் அனைத்து முகவரிகளையும் அமைத்து அனுப்பவும். BCC என்பது Blind Carbon Copy ஆகும்.

அதாவது நீங்கள் யார் யாருக்கெல்லாம் இந்தக் கடிதத்தினை அனுப்பி உள்ளீர்கள் என்று யாருக்கும் தெரியாது. அதனைத் தெரிவிக்க வேண்டுமென்றால் அதனைக் கடிதத்திலேயே தெரிவித்து விடலாம். இதனால் நீங்கள் பலருக்கு அனுப்பி உள்ளது மட்டுமே அனைவருக்கும் தெரியும். ஆனால் அவர்கள் இமெயில் முகவரி மற்றவருக்குத் தெரிய வாய்ப்பில்லை அல்லவா!

2. கடிதத்தின் Subject என்ற பிரிவில் உங்கள் கடிதம் எதனைக் குறித்துள்ளது என ரத்தினச் சுருக்கமாகவும் அதே நேரத்தில் தெளிவாகவும் குறிப்பிடவும். இது கடிதங்களின் பட்டியலை உங்கள் நண்பர் பெறுகையில் கடிதம் எது குறித்து என்று அறிந்து அதற்கேற்ற வகையில் முக்கியத்துவம் தருவார். எனவே "Hi" or "Hello" or "Help" என்ற சொற்களை Subject பிரிவில் அமைப்பதனை அறவே தவிர்க்கவும்.

3. மிகப் பெரிய பைல்களை இணைப்பாகத் தருவதனைத் தவிர்க்கவும். இவற்றை இறக்கிட அதிக நேரம் எடுக்கும் என்பதாலும் அதற்கு இன்டர்நெட் இணைப்பிற்கான பணம் கூடுதலாகச் செலவழியும் என்பதாலும் உங்கள் நண்பர் எரிச்சல் பட்டு அதனைப் படிக்காமலேயே இருந்து விடுவார்.

எளிதாகச் செலவின்றி இறக்கம் செய்யக் கூடிய பிராட் பேன்ட் இன்டர்நெட் இணைப்பை எல்லாரும் வைத்திருப்பார்கள் என்று எதிர்பார்க்காதீர்கள். அப்படியும் ஒரு பெரிய பைலை இணைக்க வேண்டும் என்றால் இதற்கெனவே உள்ள Yousendit போன்ற தளங்களில் உங்கள் பைல்களை அமைத்து அதற்கான தொடர்பினை உங்கள் கடிதத்தில் தந்துவிடவும்.

4. ஒன்றுக்கு மேற்பட்ட பைல்களை இணைப்பாகத் தர எண்ணினால் அவற்றை ஸிப் செய்து அனுப்பவும். அப்போது தான் கடிதத்தினைப் பெறுபவர் அனைத்து பைல்களையும் பெறுவது உறுதிப் படுத்தப்படும். இல்லை என்றால் ஒன்று கிடைத்து ஒன்று கிடைக்காமல் போகலாம்.

5. எந்த இமெயில் கடிதத்தினையும் ஒருவர் மீது கோபத்தில் இருக்கும்போதோ எழுத வேண்டாம். அப்படியே உங்கள் ஆத்திரத்தைத் தணித்துக் கொள்ள எழுதினாலும் உடனே அதனை அனுப்ப வேண்டாம். சிறிது காலம் கழித்து அனுப்ப அதனைத் திறந்து படித்துப் பார்க்கவும். நீங்களாகவே அந்த கடிதத்தினை மாற்றி எழுத முடிவு செய்வீர்கள்.

6. மின்னஞ்சல் கடிதத்தினைப் பெறுபவர் படித்துவிட்டார் என்ற சான்றினை நீங்கள் பெறும் வகையில் ஒரு கடிதத்தினை அனுப்பலாம். ஆனால் இது போன்ற பெற்றதற்கான அஞ்சல் ஒன்றைப் பெறும் வசதியைப் பயன்படுத்தாமல் இருப்பதே நல்லது. பெறுபவர் இது குறித்த ஆப்ஷன் விண்டோ ஒன்றைப் பெறுவார். பின் அதற்கு நேரம் ஒதுக்கி பதில் அளிக்க வேண்டும். எனவே அவர் அதனை விரும்ப மாட்டார்.

7. உங்களுக்கென தனிப்பட்ட முறையில் வரும் கடிதங்களுக்கு உடனடியாகப் பதில் கடிதம் ஒன்றை அனுப்பவும். ஏனென்றால் உங்களுக்கு கடிதத்தினை அனுப்பியவர் பதிலுக்குக் காத்திருப்பார்.

8. எப்போதும் மின்னஞ்சல் கடிதங்களை சுருக்கமாகவும் நேரடியாக விஷயத்தைத் தெரிவிப்பதாகவும் அமைத்திடுங்கள். இந்தக் கடிதத்தைப் படிக்கும் நீங்களும் உங்கள் குடும்பத்தினரும் நல்ல சுகத்துடன் இருப்பீர்கள் என்று எண்ணுகிறேன் என்று எழுதுவதெல்லாம் பேப்பரில் எழுதுவதற்குத்தான் சரி. மின்னஞ்சல் கடிதங்களில் இருக்கக் கூடாது.

9. கடித்ததை அனுப்ப பட்டனை அழுத்தும் முன் எப்போதும் கடிதத்தில் பிழைகள், இலக்கண தவறுகள் இருக்கிறதா என ஒரு முறை சோதித்த பின்னர் அனுப்பவும். தவறுகள் இருந்தால் நீங்கள் சீரியசாக அந்தக் கடிதத்தை எழுதவில்லை என்று உங்களைப் பற்றிய தவறான எண்ணத்தை அக்கடிதம் ஏற்படுத்திவிடும்.

10. நீங்கள் ஏதேனும் மெயிலிங் லிஸ்ட்டில் இருந்தால் உங்கள் முகவரி, மொபைல் போன் எண்கள் ஆகியவற்றை அனைவரும் அறியும் வண்ணம் தருவதனைத் தவிர்க்கவும். குறிப்பிட்ட நபர்களை உங்கள் தனி மின்னஞ்சல் முகவரியில் தொடர்பு கொள்ளச் சொல்லி பின் தெரிவிக்கவும். அல்லது அவர்களின் தனி மின்னஞ்சல் முகவரியினைப் பெற்று தொடர்பு கொள்ளவும். ஏனென்றால் மெயிலிங் லிஸ்ட்டில் உள்ள எல்லாரும் நல்லவர்கள் என்றும் உங்கள் நண்பர்கள் என்றும் நீங்கள் எதிர்பார்க்க முடியாது.

மேலும் படிக்க... Read more...

தவறுகள் தன்னிடமிருப்பது தெரியாமல் பொறுமையிழந்து......

தவறுகள் தன்னிடமிருப்பது தெரியாமல் பொறுமையிழந்து......

பல் மருத்துவரிடம் அந்தப் பெண் கூச்சலிட்டுக் கொண்டிருந்தாள். ''இன்னும் சரியாகப் பொருந்தவில்லை, இந்த செயற்கைப் பல்... நானும் எத்தனை முறைதான் வருவது'' என நொந்து கொண்டவள், தன் பல்லைச் சரிசெய்யும்படி கூறினாள்.

பல் மருத்துவர் மிதமான குரலில், ''இதோடு மூன்று முறை உங்கள் பல்லை ராவி விட்டேன். இனி ஒருமுறை ராவினால் கூட அது உங்களின் வாய்க்கு நிச்சயமாகப் பொருந்தாது'' என்றார்.

அந்தப் பெண், ''வாய்க்குப் பொருந்துவதைப் பற்றி யார் கவலைப்பட்டது? நீங்க செய்த செயற்கைப் பல் என் முகத்துக்குப் பொருத்தமாக இல்லை'' என்று எரிச்சலோடு சொன்னாள்.

கடைசிவரை பல் மருத்துவர் ,''என் தொழில்படி நான் செய்தது சரிதான்'' என்று வாதாட, அந்தப் பெண்மணி ''யாருக்கு வேண்டும் உமது உபதேசம், என் வேண்டுகோளை நிறைவேற்ற முடியாததற்கு நீங்க கூறும் சப்பைக் கட்டு இது'' என்று வெறுப்போடு கூறிவிட்டு வெளியேறினாள்.
மனித வாழ்வில் பொறுமையைக் கடைப் பிடிக்கும் கலை கலைந்து போனதே, இது போன்ற சச்சரவுகளுக்குக் காரணம்.

சாதாரணம் போன்று தெரியும் இந்த சச்சரவுகள் தான், மனித நேயத்தை மறையச் செய்து கொண்டிருக்கிறது.

தவறுகள் தன்னிடமிருப்பது தெரியாமல் பொறுமையிழந்து, அது சச்சரவுகளாக வெடித்து உறவுகள் சிதறக் காரணம், ஆழ் மனதின் மந்தத் தன்மைதான்.

மேல் மனம் மட்டும் கொஞ்சம் விழித்துக் கொண்டிருப்பதால், அதிகபட்சம் திறமையாக வாக்குவாதம் செய்ய முடியும். வாதத் திறமையால் ஜெயித்து விட்டதாக நம்ப முடியும்.

ஒரு விஷயம் தெரிந்து கொள்ளுங்கள். வாக்குவாதத்தில் ஜெயித்தாலும், அது பெருந் தோல்வியே.

வாக்குவாதம் என்ற ஒன்று ஆரம்பிக்கும்போதே, உங்களைச் சுற்றி ஒரு சுமுகமற்ற சூழ்நிலையை உருவாக்கி விடுகிறீர்கள். இன்றைய நண்பர்களை நாளைய எதிரிகளாக மாற்றும் நாசவேலையில், உங்களை அறியாமல் ஈடுபட்டுக் கொண்டிருக்கிறீர்கள்.

வாக்குவாதத்தில் காலடி எடுத்து வைத்த முதல் அடியே தோல்விதான். இவை அனைத்திற்கும் காரணம், அடிமன மயக்கம்தான்.

உடலில் சேர்ந்துவிட்ட மதுவுக்குச் சமம் அடி மனதைப் பற்றிக் கொண்ட விழிப்புணர்வின்மை.

மது குடித்தவனின் மயக்கம் தெளிவிக்கப்படாதவரை, அவனின் அரைகுறை புரிந்து கொள்ளுதல்கள்தான் சரியென வாதிடுவான்.

மன மயக்கம் தெளிவிக்கப்படாத வரை உறவுகளயும், உலகையும் எப்போதுமே தவறாகப் புரிந்கொள்வதைத் தவிர்க்க முடியாது. சுற்றியிருப்பவர்களும் இதே மனமயக்கத்தில் சிக்கித் தவிர்ப்பார்கள்தான். எனவே...

யாரும் யாருக்கும் உதவ முடியாது. பார்வையற்றவன் மற்றொரு பார்வையற்றவனுக்கு வழி காட்ட முடியாது. நீங்கள்தான் உங்களுக்கு உதவ வேண்டும். கொஞ்சம் விழித்துக்கொண்டுள்ள மேல் மனதிலிருந்து அடிமனதைத் தெளியச் செய்யுங்கள்.

உங்களுக்குள்ளேயே வெகு காலமாக உறங்கிக் கொண்டிருக்கும் அடி மனதைத் தட்டியெழுப்புங்கள். மனதின் மயக்கம் மறந்துவிடும்.

உள்ளேயும், வெளியேயும் சுமூகமான சூழல் உருவெடுக்கும்.

மேலும் படிக்க... Read more...

மற்றவரை எளிதில் வசீகரிக்க.....

மற்றவரை எளிதில் வசீகரிக்க......
முன்னேற ஆராய்ச்சி செய்யுங்கள்

சண்டை என்றாலே அலர்ஜி... நான் சும்மாயிருந்தாலும் சீண்டிவிட்டு சண்டை வளர்க்கிறார்கள் என்று எத்தனை முறை நினத்திருக்கிறீர்கள்?

ஒருவருடன் பேசத் துவங்கினாலே, அது வீண் விவாதத்தில் கொண்டுபோய் விடுகிறது என்று ஒதுங்கியே இருக்கிறீர்களா?

மற்றவரை எளிதில் வசீகரிக்க, சுலபமான வழி இதோ உங்களுக்காக :

ஆழமான இந்த இரண்டு கருத்துக்களயும் ஆழ்ந்து சிந்தியுங்கள்

1. பேசிக் கொண்டிருக்கும் போதும், பேச்சைத் துவங்குவதற்கு முன்னும் அவர் இப்படித்தான் சொல்வார் என்று எந்த எதிர்பார்ப்பும், கற்பனையும் இல்லாமல் திறந்த மனதோடு கவனியுங்கள்.

2. அவர் இப்படிப் பேசுவது சரி, தவறு என மனதில் பிரித்து பாகுபடுத்திக் கொண்டிருக்காமல் முழுமையாகக் கவனியுங்கள்.

''அவரைப் போல் வருமா? என்ன கரிசனமா கேட்பார் தெரியுமா?'' என்று கேட்பது என்றாலே, அனைவரின் மனதிலும் சிம்மாசனம் போட்டு அமர்வீர்கள்.

மேலும் படிக்க... Read more...