என்னவெல்லாம் சாதிக்கவேண்டும்?

என்னவெல்லாம் சாதிக்கவேண்டும்?
அதை எத்தனை வருடத்திற்குள் சாதிக்க வேண்டும்?

அமெரிக்காவில் குடியேறி வாழ்ந்துகொண்டிருக்கும் இந்தியர் ஒருவர், தன்னுடைய வாழ்க்கையைப் பற்றிச் சொல்ல ஆரம்பித்தார்.
''நான் இந்தியாவில் இருந்து கிளம்பும்போது, அமெரிக்கா சென்றவுடன் என்னவெல்லாம் சாதிக்கவேண்டும்?

அதை எத்தனை வருடத்திற்குள் சாதிக்க வேண்டும்? என்ற ஒரு பெரிய லட்சியக் கணக்கு வைத்திருந்தேன்.அதன்படி கடுமயாக உழைக்க ஆரம்பித்தேன்.

உழைத்ததின் பலனாக, நான் சாதிக்க நினைத்த விஷயங்களான கார், வீடு, பங்களா, குடும்பம் என எல்லாமே எனக்குக் கிடைத்தது. அதுவும் எட்டு வருடங்களுக்குள்ளாகவே.

ஆனால் எதற்காக இதைச் சாதிக்கவேண்டும் என்று நினைத்தேனோ அது எனக்கு இன்றுவரை கிடைக்கவேவில்லை'' என்று மிகவும் வருத்துடன் சொன்னார்.

இப் பிரச்னை இவருக்கு மட்டும் சொந்தமானதல்ல எல்லோருக்கும் பொதுவானதான். மனித மனதின் இயல்பே, ஒரு பொருளின் மீது தீவிரமாக ஆசைப்படுவதும், அதற்காக உங்களைத் தொடர்ந்து போராட வைப்பதும், பின் அது கிடைத்தவுடன் முழுமையாக அனுபவிக்க விடாமல், அதற்கு அடுத்தது என்ன? என்பதைப் பற்றி ஏங்க வைப்பது ஆகும்.

''ஒரு பொருள் கிடைப்பதற்கு முன், அது கடுகாகவே இருந்தாலும் மலையாகக் காட்டும். கிடைத்தபின் மலையாகவே இருந்தாலும் கடுகாய்க் காட்டும் மடமனம்''

முதலில் ஒரு ஸ்கூட்டர் வாங்க வேண்டுமென்று ஆசைப்படுகிறீர்கள். ஒருநாள் வாங்கியும் விடுகிறீர்கள். வாங்கியவுடன் அதை முழுமையாக அனுபவிப்பதில் ஆர்வம் காட்டாமல், அடுத்தது எப்படி கார் வாங்கலாம் என்பதைப் பற்றிக் கனவு கண்டுகொண்டிருப்பீர்கள்.

கார் வாங்கிவிட்டால், அதைவிடச் சிறந்த காரைப் பற்றிய கனவு.
இவ்வாறு அடுத்ததைப் பற்றிய கனவிலேயே மனம் இருப்பதால், ஒரு பொருளை அடைவதற்கு முன் அதன்மீது ஆசைப்படுவதில் காட்டுகின்ற ஆர்வம், அடைந்தபின் அதை அனுபவிப்பதில் காட்டுவதில்லை.

மாவீரன் நெப்போலியன். தான் இறந்தபின் கைகள் இரண்டையும் சவப்பெட்டிக்கு வெளியில் தெரியுமாறு வைத்து புதைக்கச் சொன்னானாம்.

ஏனெனில் உலகையே வென்ற வீரன் நெப்போலியன், கடைசியாக வெறுங்கையோடுதான் சென்றான் என்பதை அப்போதாவது மக்கள் புரிந்துகொள்வார்கள் என்பதற்காக.

இவையெல்லாம் இருந்தால் சந்தோசமாக வாழலாம் என நினைத்திருந்த விஷயங்கள் எதுவும் அவருக்குத் திருப்தியைத் தரவில்லை.

இதைத்தான் ஆங்கிலத்தில் 'டிப்ரஷன் ஆஃப் சக்ஸஸ்' என்று சொல்கிறார்கள்.
பெரும்பாலான மேலை நாட்டினர் சந்திக்கிற பிரச்னை வெற்றிக்குப் பின்னரும் தொடர்கின்ற 'மனஅழுத்தம்' எனும் பிரச்னைதான்.
உண்மையில் உலகம் இறைசக்திக்குச் சொந்தமானது.

நாம் அனைவரும் தற்காலிகமாக அதை அனுபவிப்பவர்கள் அல்லது பாதுகாப்பவர்கள்தான். இதை உணராமல், உலகத்தில் எந்தப் பொருளைக் கொடுத்தாலும், அல்லது உலகையே கொடுத்தாலும் உங்கள் மனதை உங்களால் திருப்திப்படுத்த முடியாது என்பது நிதர்சனம்.
----------------------------------
இணைய தளத்தில் படித்தது..

மேலும் படிக்க... Read more...

400 வயது குரானை விற்க முயன்றவர் கைது.

400 வயது குரானை விற்க முயன்றவர் கைது.

மார்ச் 08, 2007 பெங்களூர்:

ஒளரங்கசீப் காலத்து, 400 ஆண்டு பழமையான திருக்குரானை விற்க முயன்ற நபரை பெங்களூர் போலீஸார் கைது செய்தனர்.

பெங்களூர், எம்.ஜி. சாலையில் உள்ள ஒரு ஹோட்டலில் பழமை வாய்ந்த பொருட்களை விற்க முயற்சி நடப்பதாக போலீஸாருக்குத் தகவல் கிடைத்தது.

இதையடுத்து நகர குற்றத் தடுப்புப் பிரிவு போலீஸார் அங்கு விரைந்தனர். அப்போது அந்த ஹோட்டல் முன்பு நின்று கொண்டிருந்த கேரள மாநிலம் திருச்சூரைச் சேர்ந்த சுகுமார் என்பவர் சந்தேகத்திற்கிடமான வகையில் தெரிந்ததால் அவரைப் பிடித்து விசாரித்தனர்.

விசாரணையில் அவரிடமிருந்து 400 ஆண்டு கால பழமை வாய்ந்த திருக்குரான், தஞ்சை மகாராஜா சரபோஜி வரைந்த ஓவியம் ஆகியவை பறிமுதல் செய்யப்பட்டன.

இந்த திருக்குரான் முகலாய மன்னர் ஒளரங்கசீப் காலத்தைச் சேர்ந்தது. அவரது கையொப்பமும் இந்த குரானில் உள்ளது. மொத்தம் 15 கிலோ, 39.9 செமீ நீளம், 20 செமீ அகலம் கொண்ட இந்த குரான் நூல், மலர்களின் வாசனையுடன், எளிதில் தீப்பிடிக்காத வண்ணம் நுட்பமாக தயாரிக்கப்பட்டதாகும்.

இந்த குரானின் சர்வதேச மதிப்பு ரூ. 5 கோடியாகும்.

அதேபோல தஞ்சாவூர் ஓவியத்தின் மதிப்பு ரூ. 10 லட்சமாகும். சுகுமாரைக் கைது செய்த போலீஸார் தொடர்ந்து விசாரணை நடத்தி வருகின்றனர்.

மேலும் படிக்க... Read more...

"மனித இயல்பு. காசு என்றதும் காது திறந்துகொள்கிறது'

"மனித இயல்பு. காசு என்றதும் காது திறந்துகொள்கிறது'

'விஷயம் காதில் இல்லை. மனிதர்கள் மனதில் இருக்கிறது'

பரபரப்பான கால வேளை. போக்குவரத்து சந்தடி சத்தம். இரண்டு நண்பர்கள் நடந்து போய்க் கொண்டிருந்தார்கள்.

'ஏய்... எங்கேயோ பூனைக்குட்டி கத்துற சத்தம் கேக்குது பாரு...' என்று சுற்று முற்றும் பார்த்தான் ஒரு நண்பன்.

தூரத்தில் நடைபாதை ஓரத்தில் ஒரு கல்லிடுக்கில் பூனைக்குட்டி ஒன்று சிக்கியிருந்தது. நண்பன் போய் அந்தக் கல்லை நிமிர்த்தி பூனைக்குட்டியை வெளியே எடுத்துவிட்டான்.

அடுத்த நண்பனுக்கு ஆச்சரியம்.

'ரோட்டில் இத்தனை பேர் போய்க் கொண்டிருக்கிறோம். எங்களுக்கெல்லாம் பூனைக்குட்டியின் சத்தம் கேட்கவில்லை. ஆனால் உனக்கு மட்டும் கேட்டிருக்கிறது. உன் காது ரொம்ப சக்தி வாய்ந்ததுதான்' என்றான்.

'விஷயம் காதில் இல்லை. மனிதர்கள் மனதில் இருக்கிறது' என்றான் பூனைக் குட்டியைத் தூக்கிவிட்ட நண்பன்.

'எப்படி சொல்கிறாய்?'

'இப்போ பார்.' என்று சொல்லி தன் பாக்கெட்டிலிருந்து கொஞ்சம் சில்லறைக் காசுகளை நடைபாதையில் போட்டான். உடனே நடந்து சென்று கொண்டிருந்தவர்கள் அனைவரும் திரும்பிப் பார்த்தார்கள்.

'பார்த்தாயா? இதுதான் மனித இயல்பு. காசு என்றதும் காது திறந்துகொள்கிறது' என்றான் நண்பன்.
-------------------------
இணைய தளத்தில் படித்தது..

மேலும் படிக்க... Read more...

பக்கத்து வீடுகளில் என்ன நடக்கிறது......

பக்கத்து வீடுகளில் என்ன நடக்கிறது......

காமிலா, பக்கத்து வீடுகளில் என்ன நடக்கிறது என்பதை அறிந்து கொள்வதில் ஆர்வமாக இருந்தாள்.

அதற்காக, தனது ஆறு வயதுச் சிறுமி பஸீலாவை அனுப்பி, பக்கத்து வீட்டுக் குழந்தையிடம் விளையாடுவதுபோல், அவர்கள் என்ன பேசிக்கொள்கிறார்கள் என்பதை அறிந்து வரச் சொல்வாள்.

பஸீலாவும், பக்கத்து வீடுகளில் என்ன பேசிக்கொள்கிறார்கள் என்பதை உளவு பார்த்து வந்து அம்மாவிடம் கூறுவாள்.

இப்படி அக்கம் பக்கத்து; வீடுகளில் நடப்பவைகளை முன் கூட்டியே வானிலை ஆராய்ச்சியாளர் போல் அறிந்து வைத்துக் கொண்டு, தனிமையில் அகப்படுபவர்களிடம் வெறும் வாயை மெல்லுவாள் காமிலா.

அன்று, பஸீலா ஓடிவந்து, ''அம்மா... ஆமினா வீட்டில் சினிமாவுக்குப் போறாங்க... நாமலும் போவோம்மா...'' என்றாள்.

''ஞாயிற்றுக்கிழமை வாப்பாவோட போகலாம், இப்ப சமர்த்தா போய் விளையாடு'' என்றாள்.

சிறிது நேரத்தில் மறுபடியும் வந்து, ''அம்மா... அம்மா... பாத்திமா வீட்டில் முறுக்கு செய்றாங்க... எனக்கும் செஞ்சுக் குடும்மா...'' என்று அடம்பிடித்தாள் ;பஸீலா.

''என்ன நீ... பக்கத்து வீட்ல செய்றதெல்லாம் கேட்குறே...'' என்று அடிக்க கை ஓங்கியவள், நிறுத்தினாள்.

தவறு தன் மீது தான் என்பதை உணர்ந்தாள்.

அன்று முதல் பஸீலாவை பக்கத்து வீடுகளுக்கு அனுப்புவதை நிறுத்திக்கொண்டாள்.
-----------------
இணைய தளத்தில் படித்தது..

மேலும் படிக்க... Read more...

என் வார்த்தையை விட கழுதையின் வார்த்தைதான்

என் வார்த்தையை விட கழுதையின் வார்த்தைதான் உனக்கு முக்கியம்.

ஒரு நாள் முல்லாவின் பக்கத்து வீட்டுக்காரர், முல்லாவை அழைத்து, ‘‘உங்கள் கழுதையை இரவல் தர முடியுமா?’’ என்று கேட்டார்.

முல்லா, ‘‘முடியாததற்கு வருந்துகிறேன். ஏற்கெனவே கழுதையை வாடகைக்கு விட்டு விட்டேன்’’ என்றார்.

முல்லா பக்கத்து வீட்டுக்காரரிடம் இதைச் சொல்லிக் கொண்டிருக்கும் போது முல்லாவின் பின் தொழுவத்திலிருந்து கழுதையின் கனைப்பு கேட்கத் தொடங்கியது. பக்கத்து வீட்டுக்காரர் முல்லாவிடம், ‘‘கழுதை அங்கிருந்து சத்தமிடுகிறதே முல்லா’’ என்றார்.

உடனே ‘‘என் வார்த்தையை விட கழுதையின் வார்த்தைதான் உனக்கு முக்கியம்... உனக்கு வெட்கமாய் இல்லை’’ என்றார் முல்லா.
-----------------------------
இணைய தளத்தில் படித்தது..

மேலும் படிக்க... Read more...

கண் புரை எனப்படும் கேட்ராக்ட்.

குணப்படுத்தக் கூடிய பார்வைக் கோளாறுகளில் முதலிடம் வகிப்பது கேட்ராக்ட் ஆகும். ஆக கண் புரை எனப்படும் கேட்ராக்ட் பற்றி முழுமையாகத் தெரிந்துகொள்ள வேண்டுவது அவசியம்.

பார்வையிழப்பிற்கான மூல காரணங்களில் 66% குணப்படுத்தக்கூடிய அல்லது தடுக்கக்கூடிய காரணங்களால் பார்வையிழந்தவர்கள். பார்வை இழப்பிற்கான முழு முதற் காரணமாக இருப்பது கண் புரை என வழங்கப்படும் முழுமயான குணப்படுத்தக்கூடிய கேட்ராக்ட் நோய் ஆகும்.

கேட்ராக்ட் என்றால் என்ன?

கேட்ராக்ட் என்பது லத்தீன் வார்த்தை. கேட்ராக்ட் என்றால் நீர்வீழ்ச்சி என்று அர்த்தம். இங்கு நீர்வீழ்ச்சியினூடே ஒரு பொருளைப் பார்க்கும்போது கண்ணுக்குப் புலப்படும் தோற்றத்தைப் போன்ற பார்வைக் கோளாறைக் குறிப்பிடுகிறது.

கேட்ராக்ட் என்பது வயோதிகம் காரணமாகவோ, பரம்பரை, விபத்துகள், நீரிழிவு நோய் போன்ற பல காரணங்களால் கண்களில் உள்ள லென்ஸ் தனது ஒளி ஊடுருவும் சக்தியை இழப்பதினால் வரக்கூடிய தன்மை. இதன் காரணமாக லென்ஸில் ஒரு படலம் படர்ந்தது போன்ற சூழ்நிலையில் பார்வை தெளிவாகத் தெரியாமல் மங்கலாகத் தெரிகிறது. நாளடைவில் இந்நிலை அதிகரித்து முழு பார்வை இழப்பிற்கும் காரணமாகிறது. இந்த நிலையே கேட்ராக்ட் எனப்படும்.

கேட்ராக்ட் என்பது பொதுவாக வயோதிகர்களுக்கு மட்டுமே வரக்கூடிய பிரச்னையா? அதற்கான அடிப்படைக் காரணங்கள் என்ன?

கேட்ராக்ட் பொதுவாக வயோதிகர்களுக்கு அதிகமாக வரக்கூடிய பிரச்னை என்றாலும் எல்லா வயதினர்களையும் பாதிக்கக்கூடிய கண் சார்ந்த ஒரு பிரச்னை ஆகும். குறிப்பாக,

சூரிய ஒளியிலிருந்து அதிகமாக வெளிப்படக்கூடிய புற ஊதாக் கதிர்களின் தாக்கம் அதிகமாக ஏற்றுக் கொள்ளும் வகையில் பணியாற்றுபவர்களுக்கும்,

 நீரிழிவு நோய் போன்ற காரணத்தினாலும்,

 கண்களில் ஏதேனும் நோய் தொற்றின் காரணமாக வீக்கம் ஏற்பட்டிருந்தாலும்,

 பரம்பரை மூலக்கூறியல் காரணங்களாலும்

 நாம் பிறப்பதற்கு முன்பே நமது தாய்க்குப் பிரசவ காலத்தில் ஜெர்மன் மீசில்ஸ் எனப்படும் அம்மை நோய் ஏற்பட்டிருந்தாலும்,

 நீண்ட காலம் ஸ்டீராய்டு மருந்துகளை உபயோகித்திருந்தாலும்

 கிட்டப்பார்வை கோளாறு நீண்ட காலம் இருந்திருந்தாலும்

 கண்களில் காயம் ஏற்பட்டிருந்தாலும்

 கண் சார்ந்த மற்ற நோய்கள் ஏதாவது இருந்தாலும்

 புகைப்பிடிப்பதாலும் இளம் வயதினர் உட்பட யாருக்கும் கண்புரை நோய் ஏற்படுவதற்கு வாய்ப்பு உண்டு.

 மேலும் பல்வேறு உயிர் வேதியியல் மாற்றங்கள் காரணமாகவும் கேட்ராக்ட் உருவாகலாம்.

 புரோட்டின், வைட்டமின்கள் மேலும் செலினியம் போன்ற நுண்ணிய சத்துக் குறைபாடு இருந்தாலும் கேட்ராக்ட் உருவாகலாம்.

கேட்ராக்ட்டின் அறிகுறிகள்:

ஒவ்வொருவரும் தமக்கு கேட்ராக்ட் இருக்கும்போது வெவ்வேறு அனுபவங்களைப் பெறுகிறார்கள். ஆனாலும் கேட்ராக்ட் பிரச்னை உள்ள அனைவருமே பொதுவாக கீழ்க்காணும் அறிகுறிகளில் ஒன்று அல்லது அதற்கு மேற்பட்டவகளை உணர்வது வழக்கம்.

 பார்க்கும் பொருட்கள் யாவும் தெளிவற்றதாகவும் அல்லது மிகவும் புகை படர்ந்த பின்னணியுடன் மங்கலாகவும் தெரிவது.

 வர்ணங்களைப் பிரித்தறிவதில் சிரமம் மற்றும் பார்க்கும் பொருட்கள் யாவும் மஞ்சள் நிறமாகத் தெரிவது.

 சாதாரண வெளிச்சத்தில் பார்வை தெளிவற்று இருப்பதும் மிக அதிகமான வெளிச்சம் தேவைப்படுவதும்.

 தொலைவில் உள்ள பொருட்களைப் பார்ப்பதில் சிரமம் ஏற்படுவது.

 பொருட்கள் இரண்டு பிம்பங்களாகத் தெரிவது.

 அடிக்கடி கண்ணாடிகளை மாற்ற வேண்டிய அவசியம் ஏற்படுவது.

 படிப்பதற்கும் வாகனம் ஓட்டுவதற்கும் சிரமப்படுவது. இந்நிலை பொதுவாக இரவில் சற்று அதிகமாக இருக்கலாம்.

 வெளிச்சத்தைச் சுற்றி வானவில் தெரிவது போல குறிப்பாக வாகனங்களின் விளக்கு வெளிச்சத்தைச் சுற்றி அவ்வாறு தெரியலாம். வர்ணங்கள் தெளிவாகத் தெரியாமல் இருக்கலாம்.

கேட்ராக்ட் ஆபரேஷன் எவ்வாறு செய்யப்படுகிறது?

இந்தக் கேள்விக்கு சங்கர நேத்ராலயாவின் நிறுவனர் தலைவர் டாக்டர் எஸ்.எஸ்.பத்ரிநாத் மிகவும் பொறுமையாக அழகாக விளக்கம் தந்தார்.

தற்போது பேக்கோ எமல்ஸிபிகேஷன் என்ற புதிய முறையில் கேட்ராகக்ட் ஆபரேஷன் நடபெறுகிறது.

இந்த புதிய முறை நோயாளியின் கண்ணில் உள்ள இயற்கயான லென்ஸை அகற்றுவதற்கு, முன்பு போல 10 முதல் 12 மில்லி மீட்டர் வரை காயம் ஏற்படுத்த வேண்டிய அவசியம் தவிர்க்கப்பட்டது. இந்தப் புதிய முறையில் நோயாளியின் கண்ணுக்குள் 2 மில்லி மீட்டர் விட்டமே உள்ள ஒரு ஊசி செலுத்தப்பட்டு ஊசியுடன் இணைந்த ஒரு புதிய உபகரணத்தின் (பேக்கோ எமல்சிஃபயர்) மூலமாக கண்ணுக்குள் இருக்கும் லென்ஸ் சிறுசிறு துகள்களாக சிதைக்கப்பட்டு உறிஞ்சி வெளியேற்றப்பட்ட. பின்னர் 2 மில்லி மீட்டர் விட்டமே உள்ள துளை வழியாக செலுத்தக்கூடிய, மடித்து உள்ளே வைக்கக்கூடிய செயற்கை லென்ஸ் பொருத்தப்பட்டது.

இந்த முறையில் நோயாளி மருத்துவமணையில் தங்கியிருந்து சிகிச்சை பெற வேண்டிய நிலை தவிர்க்கப்பட்ட. மேலும் ஆபரேஷனின்போது தையல் போடுவதும் தவிர்க்கப்பட்டது. காயம் ஆறுவதற்கு அதிகபட்சம் ஒரு வார காலமே போதுமான. ஒரு வார காலத்திற்குள்ளாகவே நடைமுறை வாழ்ககைக்கு ஆபரேஷன் செய்து கொண்டவர் திரும்ப முடிகிறது.

கேட்ராக்ட்டினால் பாதிக்கப்பட்டவர்கள் மீண்டும் பார்வை பெற முடியுமா?

புரை உரித்தல் எனப்படும் கேட்ராக்ட் ஆபரேஷன் மூலமாக மீண்டும் பார்வை பெற முடியும்.

கேட்ராக்ட் ஆபரேஷன் செய்த பிறகு எப்போது மீண்டும் பார்வை கிடைக்கும்?

கேட்ராக்ட் ஆபரேஷனப் பொறுத்தமட்டில் ஆபரேஷன் செய்தவுடனேயே மீண்டும் தெளிவான பார்வை கிடைக்கும்.

ஒருவர் கேட்ராக்ட் ஆபரேஷன் எப்போது செய்து கொள்ளலாம்?

கேட்ராக்ட் ஆபரேஷன் என்பது பொதுவாக நோயாளியின் விருப்பத்திற்கிணங்கவே செய்யப்படுகிறது. மருத்துவர்களும் நோயாளியின் கண் புரை முற்றிய பிறகு செய்து கொள்ளலாம் என்று அறிவுறுத்கிறார்கள். இங்கே நோயாளியின் விருப்பம் என்பது கவனிக்கப்பட வேண்டிய ஒன்று.

உதாரணமாக நடைமுறை வாழ்க்கையில் அன்றாட வேலைகைளச் செய்வதற்கு கூட சிரமப்படுகின்ற வகையில் பார்வை பாதிக்கப்பட்டிருந்தால், அவர்கள் உடனடியாக இந்த ஆபரேஷனைச் செய்து கொள்ளலாம். இது குறித்து உங்கள் கண் மருத்துவரின் நிறைவான ஆலோசனையப் பெற்றுக்கொள்வதே மிகவும் சிறந்ததாகும்.

கண் புரை குறித்து பல தவறான ஊகங்களும் உலவி வருகின்றனது. அவற்றைப் பற்றியும் உண்மை நிலவரத்தையும் தெரிந்து கொள்வது மிகவும் சிறந்தது.

வைட்டமின் 'சி' மற்றும் வைட்டமின் 'இது' எடுத்துக் கொண்டால் கேட்ராக்ட் வருவதைத் தடுக்கலாம். (சரிஃதவறு)

சில ஆராய்ச்சி நிறுவனங்கள் வைட்டமின்களுக்கும் கேட்ராக்ட்டுக்கும் இடையே உள்ள தொடர்புகள் குறித்து ஆய்வு செய்து வருகின்றன. சில ஆய்வுகள் வைட்டமின் 'இ' மற்றும் 'சி' எடுத்துக்கொண்ட நோயாளிகளுக்கு கேட்ராக்ட்டின் தாக்கம் குறைவதற்கான வாய்ப்புள்ளதாகச் சொன்னாலும், ஒரு நிறைவான தீர்வு கிடைத்த பிறகே செயல்படுவது நல்ல.து

மேலும் வைட்டமின் 'இ' மற்றும் 'சி' அதிகமாக எடுத்துக்கொள்வது பல்வேறு பக்க விளைவுகைளை ஏற்படுத்தும். எனவே, அங்கீகாரம் பெற்ற மருத்துவரின் ஆலோசனையின்றி இவற்றை எடுத்துக் கொள்வது தவறு.

ஆஸ்பிரன் மருந்துகளை எடுத்துக்கொண்டால் கேட்ராக்ட் வருவதைத் தடுக்கலாம். (சரிஃதவறு)

ஆஸ்பிரன் மருந்துகளை எடுத்துக்கொண்டால் கேட்ராக்ட் வருவதைத் தடுப்பதற்கான ஆதாரம் எதுவும் இல்லை. மேலும் ஆஸ்பிரன் மருந்துகளை அதிகமாக எடுத்க்கொள்வது பல்வேறு பக்க விளவுகளை ஏற்படுத்தும். எனவே, அங்கீகாரம் பெற்ற மருத்துவரின் ஆலோசனையின்றி இவற்றை எடுத்துக்கொள்வது தவறு.

உங்களுக்கு கேட்ராக்ட் என்று டாக்டர் தீர்மானித்தவுடன் ஆபரேஷன் செய்து கொள்வது நல்லது. (சரிஃதவறு)

பொதுவாக கேட்ராக்ட் கண்டறியப்பட்டவுடன் ஆபரேஷன் செய்துகொள்ள வேண்டிய அவசியம் இல்லை. உங்களுடைய நடைமுறை வாழ்க்கைக்கு இடையூறாக இருக்கும் பட்சத்திலும், உங்களுடய வேலையில் அல்லது தொழிலில் கண் பார்வை காரணமாக சரியாக கவனம் செலுத்தப்பட முடியாத பட்சத்திலும், உங்களுடய பொழுபோக்கு மற்றும் மகிழ்ச்சியான நேரங்களில் கண் பார்வை காரணமாக சிரமம் ஏற்படக்கூடிய பட்சத்திலும் ஆபரேஷன் செய்து கொள்வது நல்லது.

லேசர் சிகிச்சை மூலம் கேட்ராக்ட்ட எளிதாக குணப்படுத்தலாம். (சரி ஃதவறு)

பொதுவாக கேட்ராக்ட் ஆபரேஷனின் போது பாதிக்கப்பட்ட இயற்கயான லென்ஸ் ஆபரேஷன் மூலம் அகற்றிய பின்னர் செயற்கை லென்ஸ் பொருத்தப்படுகிறது. லேசர் மூலம் அகற்றுவது தற்போது பரீட்சார்த்த நிலையிலேயே உள்ளது. மேலும் தற்போது வழக்கில் உள்ள கேட்ராக்ட் ஆபரேஷன் மூலம் கிடக்கும் தீர்வு, தற்போதய முறைக்குத் தேவைப்படும் நேரம் போன்றவற்றோடு ஒப்பிட்டுப் பார்க்கும் பொழுது பரீட்சார்த்த நிலையிலிருக்கும் லேசர் முறையினால் குறிப்பிடத்தக்க முன்னேற்றமோ குறிப்பிடத்தக்க பயனோ ஏதும் இல்ல. இருப்பினும் தொடர்ந்து ஆராய்ச்சிகள் நடைபெறுகின்றனது.

அப்படியானால் கேட்ராக்ட் ஆபரேஷனுக்கும் லேசருக்கும் தொடர்பு கிடையாதா?

கேட்ராக்ட் ஆபரேஷனின் போது இயற்கை லென்ஸின் பின்புற மென்தோல் தவிர்த்து மற்ற பகுதிகள் நீக்கப்பட்டு, பின்புற மென்தோலில் செயற்கை லென்ஸ் பொருத்தப்படுகிற.து இருப்பினும் செயற்கை லென்ஸ் பொருத்தப்பட்டுள்ள படலத்தில் ஒளி ஊடுருவும் தன்மை குறைவாக இருக்கலாம். இந்நிலையில் தெளிவான பார்வை கிடைக்காது. எனவே, லேசர் கற்றைகளைச் செலுத்தி ஒளி ஊடுருவும் தன்மை குறைவாக உள்ள படலத்தில் துளையிட வேண்டிய அவசியம் நேரிடலாம். இம்முறையில் யாக் லேசர் பயன்படுத்தப்படுகிறது.

கேட்ராக்ட்டை கண் சொட்டு மருந்துகள் மூலம் குணப்படுத்த முடியும். (சரி ஃ தவறு)

கேட்ராக்ட் பிரச்னைக்குத் தீர்வு ஆபரேஷன் மட்டுமே. மருந்துகள் மூலம் குணப்படுத்துவது இயலாத காரியம்.

கேட்ராக்ட் சர்ஜரி மிகவும் ஆபத்தானது. (சரி ஃ தவறு)

கேட்ராக்ட் சர்ஜரி மிகவும் எளிமையான மிக அதிக அளவில் வெற்றியளிக்கக்கூடிய ஆபரேஷன் ஆகும்.

கேட்ராக்ட் ஆபரேஷன் முடிந்த பிறகு குணமடைய சில மாதங்கள் ஆகலாம். (சரி ஃ தவறு)

பொதுவாக சாதாரணமாக கேட்ராக்ட் ஆபரேஷன் செய்து கொண்டவர்கள் சில நாட்களில் நடைமுறை வாழ்க்கையைத் தொடரலாம். ஒரு வேளை கேட்ராக்ட் ஆபரேஷனுடன் மற்ற கண் ஆபரேஷன்களும் சேர்த்து செய்யப்படும்பொழுது நடைமுறை வாழ்க்கைக்குத் திரும்புவதற்கு கால தாமதம் ஏற்படலாம்.

கண்களில் ஏன் கேட்ராக்ட் உருவாகிறது?

கேட்ராக்ட் என்பது வயோதிகத்தின் காரணமாக ஏற்படக்கூடிய மாற்றங்களால் வருவதாகும். நம் வாழ்க்கை முழுவதும் நம்முடைய உடம்பில் உள்ள பழைய செல்கள் அழிந்து புதிய செல்கள் ஆக்கிரமித்துக் கொள்கின்றன. இந்தப் புதிய செல்களில் புரதச் சத்தின் தன்மை மாறுவதால் ஒளி ஊடுருவும் தன்மை தடுக்கப்படுகிறது. இதன் காரணமாகவே தெளிவற்ற பார்வை ஏற்படுகிறது.

கேட்ராக்ட்டில் பல்வேறு வகைகள் உள்ளனவா?

ஆம். வயோதிகம் சார்ந்தவை _ 95% வயோதிகம் காரணமாகவே பொதுவாக 40 வயதிற்குப் பின்னர் புரை நோய் உருவாகிறது.

பிறவியிலேயே ஏற்படுவது _ பிறக்கும் பொழுதே ஏற்படுவது பொதுவாக கருவுற்றிருக்கும் காலத்தில் ஏற்படக்கூடிய நோய்த் தொற்று மற்றும் வீக்கம் காரணமாகவோ சிலருக்கு பரம்பரை மூலக்கூறியல் மற்றும் மரபியல் காரணமாகவோ புரை உருவாகலாம்.

விபத்துக்கள் காரணமாக ஏற்படுவது _ கண்ணில் உள்ள லென்ஸ் கடினமாக தாக்குதல்களால் அடிபடுவது, வெட்டுப்படுவது, துளையிடப்படுவது, தாங்கமுடியாத உஷ்ண வெப்பத்தினால் அல்லது இரசாயனப் பொருட்களின் தாக்கத்தினால் புரை உருவாகலாம்.

இரண்டாம் நிலை _ சில மருந்துகளின் ஒவ்வாமை, கண் நோய்கள், கண் தொற்று நோய்கள் மற்றும் நீரிழிவு நோய்கள் காரணமாக புரை உருவாகலாம். சிலருக்கு கேட்ராக்ட் ஆபரேஷனுக்குப் பின்னர் பின்புற லென்ஸின் மென் படலம் அதிகமாக ஒளி ஊடுருவும் தன்மையற்றதாக இருப்பதாலும் இவ்வகை கேட்ராக்ட் உருவாகலாம்.

நமக்கு கேட்ராக்ட் இருப்பதை டாக்டர் எவ்வாறு அடையாளம் காண்கிறார்?

உங்களுக்கு கேட்ராக்ட் இருப்பதைக் கண்டறிய டாக்டருக்கு பின்வரும் விவரங்கள் தேவைப்படலாம்.

 உங்களுடய பொதுவான மருத்துவ விவரங்கள்

 உங்கள் கண் பிரச்னைகள் மற்றும் அறிகுறிகள் பற்றிய முழுமையான விவரங்கள்

பார்வைக் துகளை சோதனை விவரம்

 பக்கவாட்டு பார்வை சோதன விவரம்

 கண்களை அசைக்கும் முறை குறித்த சோதன விவரம்

 கண் நீர் அழுத்த விவரம்

 ஸ்லிட் லேம்ப் எனப்படும் உபகரணத்தின் மூலம் பரிசோதனசெய்து, உங்களுக்கு கேட்ராக்ட் இருக்குமேயானால் அதன் அடர்த்தி பற்றிய விவரம்

 கண்களின் பாப்பா விரிவதற்காக சொட்டு மருந்திட்டு கண்ணின் உட்புறப் பகுதிகள் மற்றும் பார்வை நரம்பினை பரிசோதனை செய்து கிடைக்கும் விவரம்.

 உங்களது கண்கள் வெளிச்சத்தை எந்த அளவிற்குத் தாங்குகிறது என்பது குறித்த பரிசோதனைகளின் விவரம்.

ஆகிய விவரங்களைக் கொண்டு கேட்ராக்ட் இருப்பதை உறுதி செய்கிறார்கள்.

கேட்ராக்ட் ஆபரேஷன் செய்து கொண்ட பிறகு ஏதாவது பின் விளைவுகள் வருமா?

பொதுவாக, கேட்ராக்ட் ஆபரேஷன் செய்து கொண்டவர்களுக்கு குறிப்பிடத்தக்க பின் விளைவுகள் ஏதும் வருவது கிடையாது. இருப்பினும் சிலருடைய மற்ற உடல் நலம் சார்ந்த பிரச்னைகளின் காரணமாக சிறு விளைவுகள் வரலாம். இந்த அனுபவம் அதிகபட்சம் 5% பேருக்கு மட்டுமே ஏற்படுவதுண்டு. இவை குறித்து உங்கள் கண் மருத்துவருடன் நீங்கள் ஆபரேஷனுக்கு முன்பே பேசித் தெரிந்துகொள்ளலாம். இந்தப் பிரச்னைகளை மூன்று பிரிவுகளில் குறிப்பிடலாம்.

1. ஆபரேஷன் நடபெறும் போது வரக்கூடிய பிரச்னைகள்:

கண் ஆபரேஷன் நடைபெறும் போது இரத்தம் வெளியேறுவது. இது பொதுவாக 300 நோயாளிகளில் ஒருவருக்கு மட்டுமே இவ்வாறு நேரிடுகிறது. மேலும் சுமார் 3%சதவீதம் நோயாளிகளுக்கு கண்ணுள்ளே இருக்கக்கூடிய விட்ரியஸ் ஹமர் என்ற திரவம் இழப்பு ஏற்படுகிறது. இதனால் பெரிய விளைவுகள் ஏதும் ஏற்படுவதில்லை.

2. ஆபரேஷனுக்குப் பின் வரக்கூடிய பிரச்னைகள்:

இவை பொதுவாக ஆபரேஷன் நடைபெற்றவுடன் உடனடியாக வரக்கூடிய பிரச்னைகள் எனப்படும். காயத்தில் இருந்து கசிவுகள், இரத்த ஒழுக்கு மற்றும் நோய்த் தொற்று இவை உடனடியாக கவனிக்கப்பட்டு சரிசெய்யப்படுகின்றது.

3. ஆபரேஷன் காயம் ஆறிய பின்னர் வரக்கூடிய பிரச்னைகள்:

நூறில் ஒருவருக்கு விழித்திரை பிரிதல் என்னும் பிரச்னை வரலாம். இவை ஆபரேஷன் மூலம் சரிசெய்யப்படுகிறது. கண்ணின் உள்ளே பொருத்தப்பட்டுள்ள செயற்கை லென்ஸ் காரணமாக முன்பகுதியான கார்னியாவில் வீக்கம் ஏற்படுதல், மேலும் விழித்திரையில் வீக்கம் ஏற்படவும் கூடும். மிக அதிகமான அளவில் குறிப்பாக ஆயிரத்தில் ஒருவருக்கும் குறைவாக நோய்த் தொற்று அல்லது இரத்தப் போக்கு காரணமாக ஏற்படக்கூடிய விளவுகள். ஆனாலும் கேட்ராக்ட் ஆபரேஷன் செய்து கொண்டதால் வரக்கூடிய விளைவுகள் மிகவும் அரிதே.

கேட்ராக்ட் ஆபரேஷனின் போது இயற்கையான லென்ஸின் பின்புற மென் தோல் நீக்கப்படாமல் அவற்றின் மீது செயற்கை லென்ஸ் பொருத்தப்படுகிற.து பின்புற மென்தோல் கடினமாக இருந்தால் ஒளிக்கதிர் விழித்திரையில் குவிவை தடுக்கப்படுகிறது. இதன் காரணமாக பார்வை தெளிவற்றதாக இருக்கும். இந்த நிலை இரண்டாம் நிலை கேட்ராக்ட் (Secondary Cataract) எனப்படும். உங்கள் கண் மருத்துவர் லேசர் சிகிச்சை மூலம் பின்புற மென் தோலில் ஒரு துளையிட்டு ஒளிக்கதிர் செல்வதற்கு வழி ஏற்படுத்தி பார்வை தெளிவானதாக இருக்க உதவி செய்வார்.

சிறு துளையிட்டு எமல்சிபிகேஷன் எனப்படும் கேட்ராக்ட் சர்ஜரி (Phacoemulsification with smaller incision) செய்யும்போது விரைவில் குணமாவதற்கும், பின் விளைவுகள் ஏதுமின்றி பாரவையை மீட்டுக் கொள்வதற்கும் வாய்ப்புகள் மிக அதிகம் உள்ளது. இது கண் மருத்துவ உலகில் சமீபத்திய உயர் மருத்வ தொழில் நுட்பம் மற்றும் அதிவேக முன்னேற்றத்தின் பயன் ஆகும். இந்த சிகிச்சையை சங்கர நேத்ராலயாவின் சிறப்பு மருத்வர்கள் குழு வெற்றிகரமாக நிறைவேற்றி வருகிறார்கள்.

அ.போ. இருங்கோவேள்

NANDRI: KUMUDAM HEALTH.

மேலும் படிக்க... Read more...

பேயா?

எவ்வளவுதான் விஞ்ஞானம் வளர்ந்தாலும் மனிதனுக்குள் பிஞ்சு வயதில் திணிக்கப்பட்ட மூடத்தனத் தின் கூரிய கொம்பு மட்டும் வளர்ந்து கொண்டே வருகிறது.

பிஞ்சு வயதில் அடம் பிடிக்கும் பிள்ளைக்குச் சோறூட்டுவதற்காக, அவர்களை அச்சுறுத்தும் நோக்கத்தோடு `அஞ்சு கண்ணன் வருவான், பேய் வரும், பூதம் வரும்’ என்று சொல்லும் வார்த்தைகள் குழந்தைகளின் நெஞ்சில் ஆழப் பதிந்து பெரியவர்களாக ஆன நிலையிலும் கூட அது ஆலமரமாக வளர்ந்து வருகிறது.

தொலைப்பேசி - அறிவியலின் அரிய கண்டுபிடிப்பு! மக்கள் வாழ்வில் மகத்தான `ரசாயன’ மாற் றத்தை அது உருவாக ஆகியிருக்கிறது என்றால், அது மிகையல்ல!

ஆனால், அந்தத் தொலைப் பேசியை எவ்வளவுக் கேடு கெட்ட சமாச்சாரங்களுக்கெல்லாம் பயன்படுத்துகிறார்கள் குணக் கேடர்கள்.பொள்ளாச்சி வட்டாரத்தில் ஒரு பீதியைக் கிளப்பி விட்டுள்ளனராம்.

கைப்பேசியில் ஒரு குறிப்பிட்ட எண்ணைத் தொடர்பு கொண்டால் `பேய்’ பேசுகிறது என்று கிளப்பி விட்டார்கள். அதன்படி தொடர்பு கொண்டால் எதிர்முனையில் பெண் குரலில் மலையாளம் பேசப்படுகிறது. எந்தக் கேள்வியைக் கேட்டாலும் ஒரே பதில்தான்!

காரணம் புரிகிறதா? சில குணக்கேடர்கள் குறிப்பிட்ட எண்ணில் ஒலிப்பதிவு செய்து வைத்து இந்த விஷம `வேடிக்கை களைச்’ செய்து இருக்கின்றனர்.
(இது சிலருக்குப் பொழுது போக்குக் கூட).

இதனை இதுவரை தொலைப் பேசித் துறை கண்டுபிடிக்காதது - ஏன்? என்ற கேள்வி அந்தப் பகுதியில் உள்ள விழிப்புணர்வு உள்ளவர்கள் வினா எழுப்புகின்றனர்.

திடீர் திடீர் என்று இதுபோன்ற கேவலமான மூடத்தனங்களை பக்தி வியாபாரிகள் கிளப்பி விட்டு அடிவேர் அழுகிப் போன பக்திக்கு உயிர் தண்ணீர் ஊற்றிக் கொண்டே இருக்கின்றனர் என்பதைக் கவனிக்கவேண்டும்.

பிள்ளையார் பால் குடித்தது என்று ஒரு நாள் புரளி; ஆவியுடன் பேசும் அமுதா என்ற `கரடி’ இன்னொரு புறம்; பிறந்த வீட்டுக்கு ஆபத்து, சகோதரிகளுக்குப் பச்சைப் புடைவை வாங்கிக்கொடுங்கள் என்று சரடு மற்றொருபுறம்; காஞ்சி காமாட்சியம்மன் கோயிலுக்குள் எருமை மாடு புகுந்து விட்டது; வீட்டு வாசலில் விளக்கு ஏற்றுங்கள் என்ற புழுதி இன்னொரு பக்கம்!

2007 ஆம் ஆண்டில்தான் நாம் வாழுகிறோமோ? இதைப்பற்றி எல்லாம் பேசுவதற்கு, கருத்துத் தெரிவிப்பதற்குத் திராவிடர் கழகத்தை விட்டால் நாதியுண்டா? எது எதற்கெல்லாமோ நீட்டி முழங்குகிறார்களே - மக்களை மூடமாக் கும் இந்தக் கொடிய `நஞ்சு’ பற்றி யாருக்கும் அக்கறை கிடையாதா? ஏடு நடத்துவோரின் கடமைதான் என்ன?

இதுபோன்ற அக்கப் போர் செய்திகளை கை வைத்து, மூக்கு வைத்து, இறக்கைக் கட்டி பறக்க விடுவதுதானா?

மக்களிடம் விஞ்ஞான மனப் பான்மையைப் பரப்பவேண்டும் என்று அரசமைப்புச் சட்டக் காகிதத்தில் எழுதி வைத்தால் போதுமா? ஏட்டுச் சுரைக்காய் கறிக்கு உதவுமா?

படித்தவன் பாவம் செய்தால் அய்யோ என்று போவான் என்பதெல்லாம் ஏமாற்று வேலை! நம் நாட்டுப் படிப்புக்கும், பகுத்தறிவுக்கும் எந்தவித சம்பந்தமும் இல்லை.

நம் நாட்டுப் படிப்பு என்பது வயிற்றுப் பிழைப்புக்கு ஒரு லைசென்ஸ் அவ்வளவுதான் என்றாரே தந்தை பெரியார், அதுதான் உண்மை - நூற்றுக்கு நூறு உண்மை!தந்தை பெரியார் கணிப்பது பொய்ப்பதில்லை!

- மயிலாடன்

இக்கட்டுரை 'விடுதலை'4.03.07 தினசரியில் பிரசுரமானது.

மேலும் படிக்க... Read more...

அம்பலமானது கோக் பயங்கரம் அதிரடி ஆய்வு

அம்பலமானது கோக் பயங்கரம் அதிரடி ஆய்வு
- பவானந்தி

மென்டோஸ் - கோக் ராக்கெட்! குடிச்சா, மவனே நாக்அவுட்!!
“கொஞ்ச நாளாவே கோகோ கோலாவைப் பத்தி எல்லாரும் சந்தேகம் கிளப்புறாங்க. அது உண்மையான்னு தெரிஞ்சுக்க வேண்டாமா? ஏன்னா என் குடும்ப ஆரோக்கியமும் எனக்கு முக்கியமாச்சே” என்று கோகோ கோலா தயாரிப்பு நிறுவனத்துக்குள்ளாற புகுந்து தலையில ‘சயின்டிஸ்ட்’ குல்லா, கோட் எல்லாம் போட்டுக்கிட்டு ‘கோகோ-கோலா’வால எந்தப் பாதிப்பும் இல்லைனு கமிஷன் ரிப்போர்ட் குடுக்கிறாங்க வேதியியல் ஆராய்ச்சியாளர் ராதிகா. ‘குடும்பத்தோட குடிங்க; குஜாலா இருங்க’ன்னு அட்வைஸ் வேற!

என்னாங்கடா, இதுவரைய பொண்ணுகளக் கவுக்கிறதுக்கு, மலையில் இருந்து தலைகீழ தொங்கி சாகசம் பண்றதுக்கு இப்படித்தானே ‘கோக்’ விளம்பரம் வரும், இப்ப என்னடான்னா “ஆரோக்கியமானது; சுகாதாரமானது” என்று ஆராய்ச்சி முடிவெல்லாம் தர்றானுங்களேன்னு பாத்தேன்.

அங்கங்க நடந்த போராட்டங்கள்ல மக்கள் தெளிவடைஞ்சிட்டாங்கன்னு ஆட்டம் கண்டு போயிருக்கிறது ‘கோக்’ கம்பெனி. ‘இங்க தடை பண்ணா, அமெரிக்காவில போய் குடிப்பேன்’னு ஷாரூக்கான் சொன்னாலும், அமெரிக்காவில் போய்க் குடிக்க எத்தனை பேரைத்தான் தேடும் கோக் கம்பெனி! சரி, இந்தப் பயப் புள்ளைகளைக் கவுக்க என்னாடா வழின்னு பாத்து ‘சித்தி’யைப் புடிச்சு அமுக்கிட்டானுக. ஆனா ‘உங்க பப்பு வேகலைப்பு’ குடும்ப ஆரோக்கியத்தை விட, குடும்ப பொருளாதாரம் முக்கியம்னு லட்சக் கணக்கில வாங்கிக்கிட்ட விளம்பரம் குடுக்கிறாங்கன்ன இருக்கிற பேரும் ரிப்பேரு ஆயிடுச்சு.

இருக்கிற தலைவலி பத்தாதுன்னு, இன்னொரு பக்கம் காதுல கேட்டுச்சு ஒரு தகவல். இந்த பூச்சி மருந்துக் கம்பெனிக் காரவுகள்லாம் சேந்து, “பெப்சி, கோக்னால எங்க யாவாரம் படுத்துக்கிச்சு, எல்லாரும் பொட்டாசியம் சல்பேட்டுக்கு பதிலா பெப்சியையும், நைட்ரேட்டுக்குப் பதிலா கோக்கையும் போட ஆரம்பிச்சிட்டாங்க,

அதனால அதைத் தடை பண்ணணும்”னு கேட்டு கேஸ் குடுத்திருக்காகன்னு நம்ம பயக பூச்சி கிளப்புறானுக.‘ஹார்பிக், ஸ்பார்கிள்’னு கக்கூசு கழுவுற திரவத்துக்கு பதிலா, ‘கோக்’ நல்லாருக்குன்னு துப்புரவுத் தொழிலாளர்களெல்லாம் அதுகளைக் கையில புடிச்சுகிட்டு போயிடறாங்களாம்.

இப்படி எல்லாரும் ரவுண்டு கட்டி அடிக்கிற நேரத்தில், இண்டர்-நெட்டில் வேற புதுசா ஒரு ஈமெயிலோ எறும்பு மெயிலோ வந்து கிலி கௌப்பிக்கிட்டிருக்காம்.

“மென்டாஸ் மிட்டாயைத் தின்றுவிட்டு, கோகோகோலா குடித்த பிரேசில் நாட்டு சிறுவன் உயிரிழந்தான். கடந்த ஆண்டும் இதே போன்ற ஒரு விபத்து பிரேசிலில் நடந்திருக்கிறது. எச்சரிக்கை”னு போட்டு, அதுக்குக் கீழே சில படங்களும் வந்தது.

“ஒன்றரை லிட்டர் கோக் பாட்டில், நாலஞ்சு மென்டா ஸ் மிட்டாய் எடுத்துக்கிட்டான். கோக் புட்டியைத் திறந்து, ஒரு குழாயில வரிசையா அடுக்கின மென்டாஸ் மிட்டாயை உள்ள போட்டான். பொங்குச்சு கோக் ஆறடி உசரத்துக்கு” ஆகா மிரட்டிப்புட்டாங்களே!

இது உண்மையா, என்னான்னு பார்க்கிறதுக்காக, நாங்களும் வாங்குனோம், கோக்கும் மெண்டாஸும்.
நம்ம மக்களையெல்லாம் கூப்பிட்டு வச்சு, செஞ்சு பார்த்தோம். ராதிகா மட்டும்தான் ஆராய்ச்சியாளரா என்ன, நம்மாளுகளும் ரெடி. ஒரு குழாயை எடுத்தோம். 4, 5 மென்டாஸ் மிட்டாயை உள்ள போட்டு அடியில அடைச்சுகிட்டோம். கோக் புட்டியைத் திறந்தோம். ‘புஸ்’ஸுனு கேஸ் வெளிய போச்சு. குழாயை புட்டி வாய்க்கு நேரா வச்சு, அடைச்சிருந்த கையை எடுத்தோம். மெண்டாஸ் உள்ள போன நொடி, ஆறடி உசரத்துக்கும் மேல பொங்கி வந்து முக்கால் பாட்டில் காலியாயிடுச்சு. ஆகா, இது வவுத்துக்குள்ள போனா ஏன் ராசா வினை இருக்காது.

மென்டாஸ், கோக் ரெண்டுமே சாப்பிடுற விசயம். அதுலயும், சாப்பாட்டுக்கு அப்புறம் நம்மாளுக வாயில போடுற விசயம். இது ஆபத்திலயும் ஆபத்தாச்சே!

சரி, இதப்பத்தி வேறென்னடா போட்டிருக்காங்கன்னு இண்டர்நெட்டில் பார்த்தோம். அடேங்கப்பா,PSLV ராக்கெட் பார்த்திருக்கோம், சிவகாசி ராக்கெட் பார்த்திருக்கோம். நம்ம ஆந்திரா ‘ரகு’ செஞ்ச ராக்கெட்டையும் பார்த்திருக்-கோம். ‘கோக்’ பாட்டில் ராக்கெட் பார்த்திருக்கோமா? விட்டானய்யா வெளிநாட்டில!

அதே மென்டாஸ், அதே கோக் பாட்டில் (செய்முறை தனியா இருக்குப்பா!) செல்லோ டேப்பில வரிசையா 4 மென்டாஸ் வச்சு ஒட்டி, உள்ள செருகி, மூடியப் போட்டு, தலைகீழ்க் கவுத்து 2 குலுக்கு குலுக்கி, மூடி தெறிக்கிற மாதிரி தலைகீழ் வச்சு ஒரு அடி அடிச்சான், பாருங்க, பறந்தது பாட்டில் பல அடி தூரத்துக்கு. சரின்னு அதையும் செஞ்சு பார்த்தோம். பாத்தப்பு... பக்கத்தில போஸ்ட் கம்பில உள்ள ட்யூப்லைட்டை காலி பண்ணிடப் போகுது.
(மொதல் தடவ செஞ்சி போட்டோ எடுக்கக் கூட முடியல, அந்த அளவுக்கு வேகமா பறந்துடுச்சு. இரண்டாவது தடவ போனத போட்டோ புடுச்சுட்டோம்ல)

ஏற்கெனவே பாட்டிலுக்குள்ள கேஸ் அடைச்சுத்தான் அனுப்புறாங்க. அந்த வாயு, கோக்கில கரைஞ்சு சேர்ந்துக்குது. மென்டோஸைப் போட்ட மறு நொடி, இரண்டுக்கும் ஏற்படுற வேதி வினையில வாயு பெருகி, வெளியேற வழி தேடுது. மூடி உடைஞ்சு வழி கிடைச்ச உடனே பிச்சுக்கிட்டு புறப்பட்டுடுது. ராக்கெட் பறக்கிற அதே நியூட்டன் விதி.

இது வெறும் சாதாரண ஆய்வுதான். குளிர்பான புட்டியில் நிரப்பப்படும் கார்பன்-டை-ஆக்ஸைடு அதிகமாவதனாலும், அது அடைக்கப்பட்டு வெளியேற வழியில்லாததனாலும் ஏற்படும் விளைவுதான்’னு அறி-வாளிப் பயக சில பேரு பதிவு போட்டிருக்கானுக இணையத்தில! இங்கேயும்தான் கோக்கில `பூச்சி மருந்து இல்லை’னு கோக் காசு குடுத்து சர்டிபிகேட் வாங்குது.

சரிப்பா, நம்ம வவுத்துக்குள்ள போனா என்னாகும்? குடிச்சுப் பாருங்க. வெளியேற வழி இரண்டுதான். மேல ஒன்னு, கீழ ஒன்னு. சின்னப் பையன் குடிச்சான். தாங்க முடியல. அடைச்சுக்கிச்சு. ஆக்ஸிஜன் நிரம்ப வேண்டிய இடங்கள்ல கார்பன்-டை-ஆக்ஸைடு நிரம்பினா என்னப்பா ஆகும்? உசுரு நின்னுதான் போகும். அந்த ஆராய்ச்சி செய்ய நாங்க தயாரில்லை. குடும்ப ஆரோக்கியத்துக்காக, நம்ம நடிகர், நடிகைகள், விளையாட்டு வீரர்களை வேணும்னா செய்யச் சொல்லிப் பார்ப்போம். என்ன நான் சொல்றது நெசந்தானுங்களே...

கோக் ராக்கெட் (Coke Rocket)
செய்முறை:
தேவை: ஒன்றரை லிட்டர் கோக் புட்டி, 4 மென்டாஸ் மிட்டாய், ஒரு செல்லோ டேப், கொஞ்சம் எச்சரிக்கை.
1. 4 மென்டாஸை வரிசையா அடுக்கி ஒரு செல்லோ டேப்புல ஒட்டி கொஞ்சம் டேப்பை வெளியில விட்டுக்குங்க.
2. கோக் புட்டியத் திறந்து, கோகோ கோலாவுக் குள்ள பட்டுடாம, பவிசா 4 மென்டாஸ் ஒட்டினதையும் உள்ளவிட்டு, மூடியைவச்சு மூடிடுங்க.
3. அதுக்கப்புறம் தலைகீழா கவுத்து புடிங்க, ரெண்டே ரெண்டு தபா குலுக்குங்க. மூடி தெறிக்கிற மாதிரி தலைகீழா வச்சு ரோட்டில அடிங்க. பறக்கும் பாருங்க நூறு அடிக்கு! இதத்தானப்பா குடிக்கி றோம்கிறாங்க.

கோக் பவுன்டெய்ன்
(Coke Fountain)
செய்முறை:
தேவை: ஒன்றரை லிட்டர் கோக் புட்டி, 5 மென்டாஸ் மிட்டாய்
1. குழயில மெண்டாஸைப் போட்டு அடியில அடைச்சுக்குங்க.
2. கோக் புட்டியைத் திறந்து வைச்சுருங்க.
3. குழாயை, கோக் வாய்க்கு நேரா வச்சு அடைச்சு இருக்கிற கையை எடுத்துடுங்க.
“கோக் கொப்புளிக்கும் கொண்டாட்டமாம்! கொண்டாட்டம்!

பெப்சி சளைத்ததல்ல!
தொடர் சர்ச்சைகளெல்லாம் கோகோ கோலாவுக்கு இணையாக பெப்சியையும் குறி வைத்தாலும், கோக்-தான் முனைப்பாக நின்று எதிர்பிரச்சாரம் செய்து வருகிறது. இந்த இக்கட்டான நிலையில் சென்னையைச் சேர்ந்த இந்திரா நூயி என்ற பார்ப்பனப் பெண்மணியை தனது நிருவாகத்தின் தலைமைப் பொறுப்பில் அமர்த்தியிருக்கும் பெப்சி, ‘இந்தியரின் தலைமையில் பெப்சி’ என்று தேச பக்திப் பானமாகக் காட்டும் மறைமுக முயற்சியில் ஈடுபட்டுள்ளன. கோக்கின் தீமைகள் சர்வ சுத்தமாக பெப்சிக்கும் பொருந்தும்.

“கோக் ஒரு திறந்த புத்தகம். யாரு விரும்பினாலும் எங்க தயாரிப்பை வந்து பாருங்க”ன்னு விளம்பரம் தர்ற கோக் நிறுவனம், தன்னுடைய தயாரிப்பு ரகசியத்தை வெளியிட மாட்டேங்குது. அந்த பார்முலா தெரிஞ்சவங்க உலகத்தில வெகு சிலர்தானாம். அவங்க ஒரே நேரத்தில விமானத்தில பறக்க விடாதாம் கோக் நிறுவனம். எல்லாரும் செத்துப் போயிட்டா. அதனால பாதுகாப்பா வச்சிருப்பாங்களாம் ரகசியத்தை. அதையும் கொஞ்சம் திறந்து காட்டுங்க.

COURTSEY: "UNMAI"

மேலும் படிக்க... Read more...

DON'T EAT MENTOS WHILE drinking COCA COLA .

FRIENDS.......!
DON'T EAT MENTOS WHILE drinking COCA COLA . Be careful

Last week a little boy died in Brazil after eating MENTOS and drinking COCA COLA together. One year before the same accident happened with another boy in Brazil . Please check the experiment that has been done by mixing Coca Cola with MENTOS…….. Be careful with your Coke

Last week a little boy died in Brazil after eating MENTOS and drinking COCA COLA together. One year before the same accident happened with another boy in Brazil . Please check the experiment that has been done by mixing Coca Cola with MENTOS…….. Be careful with your Coke

THANKS TO:Abdul Rahim

Singapore.

========================================

Water vs CokeWATER

#1. 75% of Americans are chronically dehydrated. (Likely applies to half the world population.)

#2. In 37% of Americans, the thirst mechanism is so weak that it is mistaken for hunger.

#3. Even MILD dehydration will slow down one's metabolism as 3%.

#4. One glass of water will shut down midnight hunger pangs for almost 100% of the dieters studied in a University of Washington study.

#5. Lack of water, the #1 trigger of daytime fatigue.

#6. Preliminary research indicates that 8-10 glasses of water a day could significantly ease back and joint pain for up to 80% of sufferers.

#7. A mere 2% drop in body water can trigger fuzzy short-term memory, trouble with basic math, and difficulty focusing on the computer screen or on a printed page.

#8. Drinking 5 glasses of water daily decreases the risk of colon cancer by 45%, plus it can slash the risk of breast cancer by 79%., and one is 50% less likely to develop bladder cancer. Are you drinking the amount of water you should drink every day?

COKE

#1. In many states the highway patrol carries two gallons of Coke in the trunk to remove blood from the highway after a car accident.

#2. You can put a T-bone steak in a bowl of Coke and it will be gone in two days.

#3. To clean a toilet: Pour a can of Coca-Cola into the toilet bowl and let the "real thing" sit for one hour, then flush clean. The citric acid in Coke removes stains from vitreous china.

#4. To remove rust spots from chrome car bumpers: Rub the bumper with a rumpled-up piece of Reynolds Wrap aluminum foil dipped in Coca-Cola.

#5. To clean corrosion from car battery terminals: Pour a can of Coca-Cola over the terminals to bubble away the corrosion.

#6. To loosen a rusted bolt: Apply a cloth soaked in Coca-Cola to the rusted bolt for several minutes.

#7. To bake a moist ham: Empty a can of Coca-Cola into the baking pan, wrap the ham in aluminum foil, and bake. Thirty minutes before ham is finished, remove the foil, allowing the drippings to mix with the Coke for a sumptuous brown gravy.

#8. To remove grease from clothes: Empty a can of Coke into the load of greasy clothes, add detergent, and run through a regular cycle. The Coca-Cola will help loosen grease stains. It will also clean road haze from your windshield.

For Your Information

#1. the active ingredient in Coke is phosphoric acid. It will dissolve a nail in about four days. Phosphoric acid also leaches calcium from bones and is a majorcontributor to the rising increase of osteoporosis.

#2. To carry Coca-Cola syrup (the concentrate) the commercial trucks must use a hazardous Material place cards reserved for highly corrosive materials.

#3. The distributors of Coke have been using it to clean engines of the trucks for about 20 years!Now the question is, would you like a glass of water? or Coke?

Thanks to : Syed Gani (Saudi Arabia)

மேலும் படிக்க... Read more...

தொடக்கம் - சிறு துளியாக.... சிறு முயற்ச்சியாக.

தொடக்கம் - சிறு துளியாக.... சிறு முயற்ச்சியாக.

''என்ன இது? சொட்டுச் சொட்டாய் சேர்ந்து மெல்லிய கோடாகச் செல்கிறோமே? பெரிய நதியாகப் பிரவாகிப்பது எப்போது?!'' என்று துவக்கத்தில் எந்த நதியாவது தயங்குகிறதா ...

ஆனால், மனிதன்தான் நானெல்லாம் சாதிக்க முடியுமா? என்று வாழ்வை மலைப்போடு பார்க்கிறான்.

தொடர்ந்து முன்னேறுவதலாயே, காண்பவர் கண்கள் விரிய, நம் கண்முன்னே எம்பிக் குதித்து வழிந்தோடுகிறது அந்த நதி.

அது சுயவிமர்சனத்தோடு அங்கேயே தேங்கி நிற்பதில்லை. துணிந்து காலடி எடுத்து வைத்துக் கொண்டேயிருக்கிறது.

''என் இலட்சியம் இந்த இடத்திலிருந்து அடுத்த நிலைக்கு முன்னேறுவதேயாகும்'' என ஓட்டமாய் ஓடும் நதி வேகமாய் முன்னேறிப் பாய்கையில், உடன் வருவது ஓடையா, சுனையா என்று பாகுபாடு பார்க்காமல் உடன் வரும் அனைவரையும் ஒன்றாக இணத்து; குதூகலத்துடன் வேகமாக அழைத்துச் செல்கிறது. சாதிக்கிறது.

நதிபோல் பாகுபாடு இல்லாமல் வாழத் தெரிந்தவருள் உற்சாகமும், குஷியும் நதி போல் பாயும்.

நதியைப் போல் வாழ்பவர். விதியைக் கூட எளிதாய் வளைத்து நெளித்து மாற்றிவிடுவார்.

நதி செல்லும் வழியில் பல தடைகள் வந்து செல்லும்போது,

''இத்தடைகள் நம் வளர்ச்சியைப் பார்தது;, மற்றவர்கள் செய்யும் சதி'' என்று புலம்பி மற்றவர் மீது அது குறை சொல்லி நிற்பதில்லை.

''ஐய்யோ! எவ்வளவு தடை நம் முன்னே இருக்கிறது. இது எப்போது நகர்ந்து செல்லும்'' என்று நொந்து, அந்தத் தடை, தானாக விலகும் வரை நின்று காத்திருக்காமல் தொடர்ந்து நிற்காமல் முன்னேறுவதிலேயேதான் ஒரே குறியாக இருக்கிறது

ஒரு தியாகி எவ்வாறு தான் செய்த செயலுக்காக பலனை எதிர்பார்ப்பதில்லையோ, அதே போன்று, தான் செல்லும் இடங்களயெல்லாம், கொழிக்கச் செய்தாலும் நதியான ''நம்மால்தான் அனைத்தும் நிகழ்கிறது'' என்று ஒருபோதும் அகம்பாவம் கொள்வதில்லை.

''இவ்வளவு கடினப்பட்டு, இவ்வளவு தூரம் பிரயாணம் செய்து வந்தோமே? அது இப்படி நம்மையே அடையாளம் தெரியாமல், காணாமல் போகச் செய்யும் கடலுக்குள் செல்வதற்காகவா?

இலட்சக்கணக்கானவர் என்னால் பயன்பெற்றனர். ஆனால் முடிவில் என் தனித்துவம் என்ற ஒன்றே இல்லாமல் போகிறதே!'' என்று கடலுக்குள் கலப்பதுபற்றி நினத்து, கண்கலங்கி நிற்பதில்லை. அதனால் தான் நதி, கடலாகிறது.

இப்படி வாழத் தெரிந்த தனி மனிதனே மக்கள் திலகமாகவோ, மகாத்மாவாகவோ, மகா ஞானியாகவோ மாறுவான்.

மேலும் படிக்க... Read more...